Mu nza yoso yimvimba, batu beta kukimona ti bawu veka badi ayi basi ko nguizani ayi batu bankaka. Minganga bobo balonguka mambu ma buvini bu nitu, beta banzila ti sadisa batu bankaka diawu diluaku dinungina mambu ma phila yoyi.

•   “Sadisa batu bankaka bobo badi nzala lusadusu dilenda kutusadisa mu luzingu lueto ayi muingi tununga nuanisa kifu kibanga va beto veka voti manga ba nguizani ayi batu bankaka.”—U.S. National Institutes of Health.

 Bibila kiveni zindongi ziozi zifueni mu mambu momo tulenda vanga muingi tusadisa batu bankaka. Sadila mambu momo Bibila kintuba malenda kutusadisa tunuanisa mayindu ma kukimona ti beto veka kaka tuidi.

 Banga kadulu ki kaba. Tombanga maluaku ma viokisanga thangu ayi batu bankaka, nduka nduka banga va kimosi. Banga wukubama mu vana bima biobi bidi yaku. Mu thangu wulembo vana, mu kondo finda phaka maba vutudila matondo, diawu madi tula ti luba kikundi.

•   Tsikudukusu yi Bibila: “Luvananga buna mamveno bela kuluvana.”—Luka 6:38.

 Sadisa batu bankaka. Tomba maluaku ma sadisila batu bobo balembo dengana mambu ma phasi. Dilenda tombana ku bawa mboti ayi kukitula va buangu kiawu voti kubasadila bisalu biobi bifuana mu diambu di dekula mambu mawombo momo badi.

•   Tsikudukusu yi Bibila: “Nkundi wu kiedika weta zola thangu zioso.”—Zingana 17:17, Contemporary English Version.

 Muingi wuzaba mambu mankaka mu phila yi tanina nguizani yimboti ayi batu bankaka, tanga disolo “Libota mpe boninga ná basusu.”