Mu tadila ankete batudidi mu bibuangu biwombo mu nza, amutu mosi mu batu baya weta kimona ti widi niandi veka.

•   “Diambu beni dilenda kuandi builukulu nioso kuandi mutu, buba mvu mbi kadi, ayi buba kue keta vuanda.”​—Chido Mpemba, nio widi wumosi mu ba prezida bo beta tadila nguizani yi batu mu OMS.

 Batu bankaka beta banzila ti yidi kaka batu bayonzuka voti bo beta zinga bawu veka, bawu kaka beta kimona ti badi bawu veka. Vayi betu tala mboti buba mintueni, batu badi mavipi mamboti, bo beta nunga luzingu luawu mboti, ayi bo bakuela balenda kimona phe bawu veka. Kambu banga va kimosi ayi batu bankaka voti kukimona beto veka kulenda bebisa buvini bu nitu’eto ayi mabanza meto.

•   Doctere Vivek Murthy nio weta pasuna batu ku États-Unis tubidi ti: “Kukimona beto veka yilenda ba vonza viokila kukimona kadi khini.” Doctere beni tubidi diaka ti: “Tezo ki batu bo beta fua mu bila beta kimona bawu veka badedikini ayi bo beta fua mu bila beta nua 15 ki bisingi bi tsunga mu lumbu.”

 Mvangi’eto kazolanga ko tu ba beto veka. Lukanu luandi lukala thangu zioso ti batu bakimona mboti mu kithuadi ayi batu bankaka.

•   Tsikudukusu yi Bibila: “Nzambi wutuba ti: ‘Yisi ko diambu dimboti mutu kaba kaka niandi veka.’”​—1 Mose 2:18.

 Nzambi katidi tukindisa nguizani’eto ayi niandi. Veni tsila ti wela tufikama enati beto phe tutudidi ngolo yi kufikama.​—Zaki 4:8.

•   Tsikudukusu yi Bibila: “Khini kuidi minsukami mu pheve, bila bawu bavuidi Kipfumu ki Diyilu.”​—Matayi 5:3.

 Nzambi katidi tunsambila mu kithuadi ayi batu bankaka. Thangu tulembo kubutudila, mayi tusadisa tuba mu mayangi.

•   Tsikudukusu yi Bibila: ‘Tusungasananga beto na beto mu diambu di salasananga beto na beto muingi tumonikisa luzolo ayi vanga mavanga mamboti. Tubikeno tina zikhutukunu zieto, . . . vayi bika tukikindisanga beto na beto.’​—Ebelewo 10:24, 25.

 Muingi wuluta zaba mambu mawombo matedi bila kio yididi mfunu wunuanisa kifu kiba nge veka, tanga disolo “La solitude à l’ère de la communication.”