Batu ba mubulu balembo bimisa mimvita mingolo ku Haïti. Divunzi diwombo dilembo salama ku Afrika yi Sudi, ku Mexique ayi mu zitsi zinkaka zi Amérique latine. Buba mu bibuangu biobi divunzi dime dekuka fioti, zitsangu zi mambu mambimbi momo malembo salama, zilembo monisa batu bawombo tsisi ayi kubatatikisa.

 Bibila mbi kintuba mu diambu di matingu momo malembo monika mu nza?

 Bibila kibikula ti manga zitisa minsiku yela ba yimosi mu bidimbu bi “tsukulu yi nza.” (Matayi 24:3) Thangu kabe yolukila mambu momo mela monika mu dimbu beni, Yesu wutuba ti:

•   “Bila mambu mambimbi mela buelama, luzolo lu batu bawombo luela dekuka.”—Matayi 24:12.

 Bibila phe kibikula ti “mu bilumbu bitsuka” batu bela “zabanga ko kukiyala, bela ba batu batsita; bela ba bambeni zi mamboti.” (2 Timote 3:1-5) Bifu beni biobi bimbimbi, yidi yimosi mu mambu momo meta tuma batu bawombo baba matingu.

 Vayi vuvu kidi. Bibila kiveni tsila ti batu bobo kaba zitisanga ko minsiku bela sie bue ba ko.

•   “Fioti kuandi fisiedi, buna batu bambimbi balendi buela monika ko; buna wela tala buangu kibabedi vayi bela va ba ko. Vayi minlembami miela tambula tsi banga kiuka ayi miela monanga khini mu ndembama yiwombo.”—Minkunga 37:10, 11.

 Tomba zaba mambu mankaka momo matedi vuvu kioki Bibila kiveni, ayi tala bila mbi wulenda kikinina ti mambu momo tulembo moni bilumbu biabi malembo dukisa zimbikudulu zi Bibila. Tanga masolo mama malandikini:

 “Elikya ya solosolo mpo na mikolo ezali koya”

 “Elembo ya “mikolo ya nsuka,” to ‘ntango ya suka’ ezali nini?”

 “Biblia esakolaki makambo oyo bato bazali kokanisa mpe kosala lelo oyo?”