Nuanisa kifu ki kukimona ti widi ngeyo veka mu ba bakundi—Bue Bibila kilenda kusadisila
Mu 2023, minganga miwombo mu nza yimvimba bamona ti batu bawombo balembo kimoni ti badi bawu veka, kidi kimbevo kio kilembo bamonisa tsisi. Thatukusulu beni yela mana?
“Kukimona widi ngeyo veka ayi manga kala ayi batu madi mayindu momo malenda bebisa mavipi ma nitu ayi ndembama yi mutu. Diluaku didi yeto dimanisa thatukusulu beni.” Phila mbi? “Enati kadika lumbu tulembo baki thangu yi yedisa kikundi kieto ayi batu bankaka.” (Dr. Vivek Murthy, U.S. surgeon general). a
Kukimona banga ti ngeyo veka widi yikala ko kaka mu thangu widi ngeyo veka. Batu bankaka beta kukimona banga ti bawu veka badi buba badi vantuala batu bawombo. Buba diambu mbi dieta tula wukimona banga ngeyo veka widi, Bibila kilenda kusadisa. Zindongi zimfunu kidi zio zilenda kusadisa muingi wuyedisa kikundi kiaku ayi batu bankaka mu diambu wununga mayindu momo mambimbi.
Zitsikudukusu zi Bibila zilenda kusadisa
Zaba solula ayi batu. Diawu ko dintia monisa ti kamba mutu phila yo wulembo kimuena, vayi phe wa bumboti nkundi’aku. Enati wulembo tudila batu bankaka thalu buwombo, kikundi kieno phe maki ba kingolo.
Tsikudukusu yi Bibila: “Kadika mutu kabika tomba mamboti mandi veka vayi kabanzila mamboti ma batu bankaka.”—Filipi 2:4.
Zibukanga kuidi bakundi baku. Tomba tula kikundi ayi batu baphila mu phila; bakulutu, bana balezi, batu ba zimbembo zinkaka voti mimvila minkaka.
Tsikudukusu yi Bibila: “Luzibula mintima mieno.”—2 Kolinto 6:13.
Mu diambu dizaba mambu mankaka momo matedi phila wulenda tudila kikundi ki ngolo ayi batu bankaka, tanga disolo “Comment combler notre besoin d’amitié.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.