Yesu zebi mbi bio ziphasi ayi mambu makambu ku busonga. Bayiza kumfunda ayi kunsambisa mu mambu momo kasi zaba ko, kumbeta mu bumbimbi ayi kunzengila nkanu wu ludua. Buba ti kasi ba ko bila, wuvana “luzingu luandi mu diambu di batu bawombo” mu luzolo luandi veka ayi mu kukiyimina koso. (Matayi 20:28; Yowani 15:13) Bobo kadi ntinu wu kipfumu ki Nzambi, fioti fisiedi maka tula busonga mu ntoto wu mvima ayi maka manisa mambu moso mambimbi mvimba mvimba.​—Yesaya 42:3.

 Bibila kilembo monisa phila ntoto wela bela kumanima ma luyalu lu Yesu:

•   “Fioti kuandi fisiedi, buna batu bambimbi balendi buela monika ko; buna wela tala buangu kibabedi vayi bela va ba ko. Vayi minlembami miela tambula tsi banga kiuka ayi miela monanga khini mu ndembama yiwombo.”​—Minkunga 37:10, 11.

 Bue tulenda monisina phutudulu matondo mu mambu moso momo Yesu katuvangila ayi mu momo kela bue tuvangila? Mu ziphova ziozi zidi mu Luka 22:19, Yesu wukamba balonguki bandi ti ba bambukilanga lufua luandi moyo. Diawu, Bambangi zi Yehova beta kutakana kadika mvu lumbu kioki Yesu kafua kiawu dedakana. Tukutedisa wukutakana yeto mu Mbambukulu moyo yi lufua lu Yesu yo yela ba kilumingu, 24 mars 2024.

Tala buangu kio wulenda kue kutikinina