KAMPANYE YI MBAMBUKULU MOYO
Yesu wela manisa mimvita
Thangu Yesu kaba va ntoto, wumonisina batu luzolo lungolo mu phila kavanina luzingu luandi banga nkayilu. (Matayi 20:28; Yowani 15:13) Fioti fisiedi, maka monisa diaka luzolo mu diambu di batu mu sadila Kipfumu kiandi banga ntinu wu Kipfumu ki Nzambi mu manisa mimvita mu ntoto woso wumvimba.”—Minkunga 46:9.
Tala phila Bibila kimonisini mambu momo Yesu kela vanga:
“Bila wela kula nsukami wulembo yamikina; mutu widi mu phasi kambulu mutu wulenda sadisa. Wela mona mutu wulebakana ayi nsukami kiadi ayi wela vukisa minsukami mu lufua. Wela kuba kula mu nkuamusu ayi mu makhemi.”—Minkunga 72:12-14.
Bue tulenda monisina phutudulu matondo mu mamoso momo Yesu kavanga ayi momo kela bue tuvangila? Mu Luka 22:19, wukamba balonguki bandi babambukilanga lufua luandi moyo. Diawu, kadika mvu Bambangi zi Yehova beta kutakana mu diambu di bambukila lufua lu Yesu moyo. Tukutedisa wukutakana yeto mu Mbambukulu moyo yi lufua lu Yesu yo yela ba kilumingu, 24 mars 2024.