DILONGI 7
Tuba mambu mo madi makiedika ayi mambu mo batu balenda kikinina
Luka 1:3
MU BUKHUFI: Tula zithombolo mu minkanda mio mieta tuba mambu ma kiedika muingi wusadisa batu bo balembo wa baba na diyindu dimboti.
PHILA YI KUBUTUDILA:
-
Tula zithombolo mu minkanda mio milenda tudulu ntima. Tubila mambu mo madi mu Mbembo yi Nzambi ayi wuyitangi enati diluaku didi. Thangu wulembo tubila mambu matedi siansi, zitsangu, kifuani voti mambu mankaka, wumatadila bumboti enati madi makiedika ayi enati buawu kuandi makadila tii mu lumbu kiaki.
-
Sadila zithombolo mu phila yimboti. Verse yo wulembo sudikisa yifueti ba nguizani ayi disolo di kapu beni, yi ba nguizani ayi Bibila ki mvimba ayi yi ba phe nguizani ayi minkanda mi ‘nnannga wukuikama ayi wunduenga.’ (Mat 24:45) Dibanza dioso dio beki mu minkanda mi basi nza difueti ba nguizani ayi disolo dioso di nkanda beni ayi mabanza ma mutu nio wusonika nkanda beni.
-
Sadisa batu bayindula. Kumanima matanga verse yi mosi voti tubila thombolo yi mosi, yuvula biuvu bi diela voti vana kifuani kimosi muingi wusadisa batu bo baku wa babaka malongi.
