Yehova wutuvana dikaba dikitoko. Mu Bibila, muidi na 66 ki zibuku zifioti fioti. Vayi lenda kiyuvusa: “Bue Bibila kitudila kuidi betu? Na wusonikisa kiawu?” Muingi tuvutula mimvutu mu biuvu biobi, tutadila mua ndambu mambu ma Bibila.

1. Kadiambu ko batu basonika Bibila, bila mbi tulenda tubila ti Nzambi niandi wukisonikisa?

Makumaya (40) ki batu basonika Bibila mu tezo ki mimvu 1600, batona mu mimvu 1513 tuamina thangu’eto na tii mu mvu 98 yi thangu’eto. Minsoniki beni basi ba ko phila mosi. Bankaka baba mimvungi mimamemi, minlobi mi zimbizi ayi mintinu. Vayi momo basonika nguizani madi. Bue dilenda bela? Bila Nzambi wusonikisa kiawu. (Tanga 1 Tesalonika 2:13.) Minsoniki mi Bibila basi sonika ko mabanza mawu veka, “bayoluka va buangu ki Nzambi” bila “batuadusu mu Pheve santu.” * (2 Piela 1:21) Nzambi wusadila Pheve santu’andi mu tuadisa batu, yinsundula mu kubatuma basonika mabanza mandi.—2 Timote 3:16.

2. Ba nani Nzambi kasonikisina Bibila?

Batu “bamakanda moso, zimvila zioso, zimbembo zioso” balenda zaba minsamu mimboti midi mu Bibila. (Tanga Tsongolo 14:6.) Nzambi wutula ti Bibila kiluta bangulu mu zimbembo ziwombo viokila zibuku zinkaka. Buba kue keta kala, yoso kuandi mbembo keta tuba, mutu nioso lenda kuandi tanga Bibila.

3. Mu mambu mbi Yehova katanina Bibila?

Bibila kisonimina mu bima bio bieta beba, dede kuire ayi papirisi. Vayi batu bo bazola Bibila, bakikopa zikhumbu ziwombo mu phila yimboti. Kadiambu ko batu balulendo bedi katomba zimbikisa kiawu, mu bila kisueka Bibila, batu bankaka ba kikinina kuawu baba vonda. Yehova kasi bika ko nzila ti kima voti batu bazimbisa Bibila. Bibila kitubidi ti: “Phova yi Nzambi’eto yin’zingilanga mu thangu yi kayimani.”—Yesaya 40:8.

 TUVISA MBOTI MBOTI

5. Batu bedi katomba zimbikisa Bibila vayi basi nunga ko

 6. Yidi buku yoyi batu boso balenda tanga

Bibila yidi buku yi meluta bangulu ayi yi meluta muangana mu Nza viokila zibuku zioso zinkaka. Tanga Mavanga 10:34, 35 ayi vana mimvutu mu biuvu biabi:

• Bila mbi Nzambi katididi ti Mbembo’andi yibangulu ayi yimuangana phila yayi?

• Mbi bilembu yitukisa mu diambulu Bibila?

 MU BUKHUFI

Bibila yidi Mbembo Nzambi, ayi wutula ti mutu nioso kabaka butangila kiawu.

Phutukulu

• Nzambi wudiatisa batu mu nzila yi pheve santu mosi basonika Bibila. Mbi yin’zola sundula?

• Mbi bilutidi simba ntim’aku, mu mamoso momo melonguka mu Bibila?

• Bue weta muena mu mambu moso momo Nzambi katula mu diambudi solula ayi ngeyo?