Tanga 1 Mose 25:29-34 muingi wuzaba keni Esau ayi Yakobi babaka zinzengolo zi nduenga.

Longuka mu buphinda mambu mo madi mu khati disolo. Mambu mbi mateka salama? (1 Mose 25:20-28) Mambu mbi masalama kumanima?​—1 Mose 27:1-46.

Tomba muingi wuzaba mambu mankaka. Mu bilumbu beni bina, mambu mbi ayi biyeko mbi muana wutheti kabela luve?​—1 Mose 18:18, 19; w10-LI 1/5 13.

• Luve beni luina luawu lueba tulanga ti muana wutheti kaba mu nkuna wu Mesiya? (w17.12-LI 14-15)

Yindula malongi mo beki ayi wumasadila. Bila mbi diluaku di kikulutu dilutila mfunu kuidi Yakobi bika kuidi Esau? (Ebe. 12:16, 17; w03-LI 15/10 28-29) Bue Yehova kabe muenanga bakhomba beni baba buadi, ayi bila mbi? (Mal. 1:2, 3) Nginu diambu mbi dinkaka Esau kavanga muingi kabaka zinzengolo zimboti?

• Wukiyuvula, Mbi ndilenda tula muingi ndimonisa ti tsambudulu yi Yehova mfunu yidi kuidi minu, mu phila yo ndieta sadila thangu’ama mu sabala, mu kifuani mu thangu ndieta kubika tsambudulu yi dikanda?