2 Kurintuwaraita 4:1-18
4 Yawe uxari yapuraki ixupe, pirasua resewara umaa yande arama, ape timaa yanekuere yapuraki ixupe.
2 Yamburi yanesui yanepuxuwerasawa, tiyaganani, tiyambue apekatu Deus inyenga sui. Yambue kua nyenga supiwa aintaukuawa arama yamunya puranga Deus umaa kuaita apigawaita panye.
3 Uyumimi rame aintasui kua nyenga purangawaa anyunte uyumimi aintasui ae kuaita ukanyemuwaita.
4 Kua mundu ruixawa uxari sesaimawaa aintaumanduarisawa kuaita tiwaita uruyari tiarama kua nyenga purangawa Kristu rese umuturi aintapia upe; kua Kristu yepewasute Deus irumu.
5 Timaa yambue yaneresepawa, maa yaxari pekuawa yaneruixawa kua Jesus Kristu, ape Jesus resewara yawajudari penye.
6 Kua Deus uxariwaa turi umuturi pitunawasuwaa sui inyenga irumu, umuturiana yanepia upe yakuawa arama kua purangawaa Deus rese Kristu ruwa sui.
Upurara Kristu resewara
7 Yarikute kua Purangawaa yanepia upe yande tuyuka suiwara, aintaukuawa arama kuaita miraita Deus yara kua kirimbawasawa timaa yaneyara ae.
8 Aintaumpurarakari yande panye maa rese, maa timaa aintaumusasiyara turusu yande. Tiyakuawa mayetaa kuri yamunya, maa tiyayuxari.
9 Aintaumuruanyana rame yande maa tikuri Deus uxari yande, aintaunupa rame yawari, tikuri yamanu yande.
10 Yawewarawate aintauputari aintauyuká yande Jesus iyawe, aintaukuawa arama panye yamunya puranga yanepira irumu upaka resewara kua Jesus.
11 Yawewarawate aintauputari aintauxari yamanu yande Jesus resewara aintaumaa arama upakate Jesus yanepira ukanyemuwaa upe.
12 Ape yapurara, ape yamanu yande, maa penye pepakate penye.
13 Yaxariana yanepia Deus rese yawe kua umpinimawaa kuxima, yawe umpinima: Haxariana sepia sese ape hambeu sesewara. Yande yuiri yaxariana yanepia sese, ape yambeu sesewara.
14 Yakuawate usupiri kuri yande iwi kuara sui Jesus irumu kua usupiriwaa kua yaneruixawa Jesus, asui urasu kuri yande ipiri, penye yuiri urasu kuri yaneirumu.
15 Umunya panye resewara, aintaumbeu arama kuri purangawaa Deus supe kuaita siyawaita ipurangasawa usika irumu kuri aintapiri.
Suuri upurara
16 Ape timaa sasiyara yanepira. Yanepira ukanyemu yanesui, maa Deus utrukari yamanduarisawa pisasua ara yaweyawe.
17 Kutara kuri usasawa yanesui kua yapurarawaa, maa Deus uxari yande arama turusu piri isui purangawaa tiwa upawa sesewara kua kuairawaa yapurara sesewara.
18 Timaa yaxari yamanduarisawa sese kua yamaawaita kua mundu upe, maa yamanduari aintarese kuaita tiwaita yamaa, maa yamanduari aintarese kuaita tiwaita yamaa, nyãse aintaupawa kuri kuaita tiwaita yamaa, nyãse aintaupawa kuri kuaita yamaawaa, maa tiwaita upawa kuaita tiwaita yamaa.
