2 Kurintuwaraita 5:1-21
5 Yakuawate ukanyemu rame kuri kua yaneruka kua mundu upewaa, Deus kuri uxari yande arama yaneruka tiwa upawa iwaka kiti, uxari arama yaneruka tiwa yamunya yaneipu irumu.
2 Ape sasiyara yaiku yaneruka upe, yaputari yaxari yanerese yaneruka iwaka kitiwara.
3 Yariku rame kuri yaneruka iwaka kitiwara, tikuri rupaimawaa yande.
4 Yaiku ramere yanepira upe yajemeri, timaa yaputari yaxari yanesui ae maa yaputari yamundeu pisasua yanerese upakawaa uyumimi arama yanesui kua iyukawaa.
5 Aete kua umukaturu yande yariku arama kuri kua mundu tiwa upawa. Uxariana yande arama kua Espiritu yakuawa arama uxari kuri yande arama kua purangawaa.
6 Ape suuri yanepia yawewarawate, yakuawate yaiku ramere yanepira upe tire yaiku yaneruixawa irumu.
7 Yaikure yasaru yamaa kua yaruyariwaa timaa yasaru yamaa kua yamaawaa kuiri.
8 Hambeu penye arama, yakuawate yasemu irumu kuri yanepira sui yaiku kuri yaneruixawa irumu suka upe, ape suuri yasu arama yanepira sui.
9 Ape kirimbawa yaputari yamusuuri yaneruixawa yaiku irumu kuri irumu, yaputari yamusuuri ae yaiku ramere isui kua mundu upe.
10 Yarikute kuri yapuamu Kristu umaa umbeu arama yaneresewara yaneyaweyawe, uxari arama kuri yande arama sikuyara kua yamunyawaa yaiku ramere yanepira upe, u purangawaa u puxuwerawa.
Pisasua miraita yande
11 Yasikie Deus sui ape kirimbawa yambue kuaita apigawaita. Deus ukuawate yamanduarisawa, haputari pekuawa yuiri yamanduarisawa.
12 Tiyambeu mukuĩsawa yaneresewara penye arama, anyunte yaputari yaxari pemanduari yande puranga sesewara kua yamunyawaa, pekuawa arama pesuaxara ainta kuaita umaawaita apigawa ruwa timaa aintaumaa mayetaa aintapia.
13 Tirame maa yakuawa ara Deus resewara tiyakuawa ara; yakuawa rame maa ara, peresewara maa yakuawa ara.
14 Kristu gustarisawa umundu yande yakuawa yamanu yande panye nyãse yepe umanu ae yaneresewara panye.
15 Umanu ae aintarese panye tiarama aintaumanduari aintaresewarapawa kuaita upakawaita, maa aintaumanduari arama sese kua umaawaa aintaresewara, kua upuamu iwi kuara sui aintaresewara.
16 Kuiri kuri tiyamanduari apigawaita kuaye mundu puraita yawe. Kuxima yamanduari Kristu kuaye mundu puraita yawe, maa kuiri timaa yakuawa ae aintayawe.
17 Pisasua mira kua uikuwaa Kristu ipia upe. Usasawana isui umanduarisawa kuximawara, kuiri pisasuana umanduarisawa.
Kristu umukaturu irumu yande
18 Kuaye umunya yande arama kua Deus, Jesus Kristu resewara umukaturu yande irumu, asui uxari yambue arama amuita puranga arama kuri irumu ainta.
19 Deus uiku Kristu ipia upe umukaturu arama irumu kuaita mundu puraita. Timaa uxari aintapekadu uiku aintarese. Asui uxari yande arama kua nyenga yambue arama kuaita miraita aintaukuawa arama Deus uputari umukaturu irumu ainta.
20 Ape Kristu umundu yande, Deus usenui kuaita miraita yaneyuru sui. Kristu resewara yambeu penye kirimbawa pexari arama Deus umukaturu irumu penye.
21 Yanepaya Deus uxari yanepekadu uiku sese kua tiwa uriku pekadu, uxari arama yanerese Deus purangasawa.
