Ebrewita 3:1-19
3 Ape penye semuita purangawaita, penye usenuiwaita, yepewasu pemanduari sese kua Jesus, kua umunduwaa, kua saserdutita ruixawa sese kua yaruyariwaa;
2 Kua umunyawaa puranga ixupe kua umunduwaa ae, kuaye Muize umunyawaa yawe purangawaa panye Deus ruka upe.
3 Maa kua Jesus yarikute yamee ixupe turusu piri purangawaa isui kua Muize, kuaye purangawaa yawe uka sui kua umunyawaa ae.
4 Nyãse panye uka yaweyawe uriku kua umunyawaa ae, maa Deus kua umunyawaa panye maa.
5 Asui kua Muize umunya puranga panye Deus ruka upe kuaye upurakiwaa yawe, umbeu arama sesewara kua aintaumbeuwaa kuri sakakuera.
6 Nyãse Deus raira kua Kristu, ape umunya puranga Deus ruka upe. Yande yuiri suka yaiku rame santa sese kua yaruyariwaa, kua yasaruwaa yamaa uxariwaa suuri yande.
7 Ape kuaye umbeuwaa yawe kua Espiritu Santu:
—Uyi ara pesendu rame kua inyenga,
8 Tepemusanta pepia kuaye tiwa yawe aintauruyari kuera ainta, puxi rame aintausasawa kampu upe,
9 Akiti kuera peramunyaita ambira usaã ixe hamunya arama ainta supe puranga hakuawasawa irumu.
10 Asui kuarenta akayu aintaumaa kuaita hamunyawaita. Sesewara sepiaiwa aintairumu kuaita miraita. Asui hambeu:
—Kuaita miraita puxi aintapia yawewarawate, tiyuiri aintaukuawa kua serapee.
11 Asui kirimbawa hambeu sepiaiwasawa irumu:
—Tikuri aintauwike hapitu rendawa upe.
12 Pemaa pesui penye semuita, tiarama puxi yepe ipia pesuiwara, yawaite tiresewara peruyari peyereu penye isui kua Deus upakawaa.
13 Maa muiri ara, perikute pembeu penye arama peiku pukusawa kua mundu upe, tiarama santa ipia yepe pesuiwara ipuxuwerasawa uganani resewara ae.
14 Nyãse yepewasute yaiku Kristu rese, yaiku rame santa ate anyu aramawaa sese kua yaxariwaa yanepia sese.
15 Umbeu rame:
—Kuiri pesendu kua inyenga, tepemusanta pepia kuaye aintaumunyawaa yawe kuera kuaita tiwaita uruyari.
16 Awataa kuaita usenduwaita kuera kuaita tiwaita uruyari ae? Maitaa tiserá kuaita panye kuaita Muize urasuwaita Egitu sui?
17 Awa supetaa ipiaiwa umaa kuarenta akayu. Maitaa tiserá kuaita umunyawaita kuera aintapuxuwerasawa, kuaita ukanyemuwaita kampu upe?
18 Awa supetaa umbeu kirimbawa:
—Tikuri aintauwike upitu rendawa upe. Maitaa tiserá ainta supe umbeu yawe kuaita tiwaita uruyari ae?
19 Ape yakuawa tikuera aintaupuderi aintauwike tiresewara aintauruyari.
