Apukalipisi 8:1-13
8 Asui kua kurderu upirari irumu kua setisa selu aintaukiririntu panye iwaka upe meia ura.
2 Asui hamaa kuaita setiwaita anju upuamuwaita Deus umaa, asui aintauxari ainta supe seti trumbeta.
3 Asui uri yuiri amu anju upuamu aintausapiwaa rendawa ruaki uriku ipu upe yepe insensu riru uru suiwara, asui aintauxari ixupe turusu insensu umunani ae irumu kua aintaupuranduwaa Deus irumu kuaita uruyariwaita. Asui uxari ainta Deus supe sese kua aintausapiwaa rendawa uru suiwara uikuwaa trunu runde sui.
4 Asui kua insensu tatatinga aintaurasão irumu kuaita uruyariwaita upuamu usu Deus runde kiti ipu sui kua anju.
5 Asui kua anju upisika kua insensu riru, asui umuteresemu ae tata irumu uyukawaa aintausapiwaa rendawa sui, asui umburi ae iwi kiti, asui truvão, asui nyenga, asui truvão wera, asui uriri iwi.
6 Asui kuaita setiwaita anju urikuwaita seti trumbeta aintauyumukaturu aintaupeyu arama.
Primeru trumbeta
7 Asui kua primeru anju upeyu itrumbeta, asui itaita uwari tata tuwi irumu iwi rese. Asui usapi musapirisawa parti iwi, mirá yuiri panye kapĩ yuiri.
Mukuĩsa trumbeta
8 Asui kua mukuĩsawa anju upeyu itrumbeta, asui yepe iwitera sendiwaa yawe ae aintaumburi ae parana turusuwaa kiti, asui musapirisawa parti parana turusuwaa uyereu tuwi aramawaa.
9 Asui aintaumanu musapirisawa parti kuaita parana turusuwaa puraita, asui aintaukanyemu musapirisawa parti aintaigaraita.
Musapirisawa trumbeta
10 Asui kua musapirisawa anju upeyu itrumbeta, asui uwari iwaka sui yepe estrela turusuwaa sendiwaa turi yawe, uwari musapirisawa parti parana upe ii rukena upe yuiri.
11 Asui kua estrela serawaa Abisintu, asui umuirawa musapirisawa parti ii, asui siya apigawaita umanu sesewara kua parana irawawaa.
Kuatrusa trumbeta
12 Asui kua kuatrusa anju upeyu itrumbeta, asui umukanyemu musapirisawa parti kurasi yasi estrela yuiri, asui pitunawasu ainta musapirisawa parti, asui tiaintaumuturi musapirisawa parti ara tiyuiri aintaumuturi musapirisawa parti pituna.
13 Asui hamaa yepe wirawasu uwewe iwaka rese asui usasemu kirimbawa:
—Puxuwera, puxuwera, puxuwera kuri aintarese kuaita uikuwaita kua mundu upe sesewara kuaita musapiri trumbeta aintaupeyuwaa kuri kutara kuaita musapiri anjuita.
