UMBUESÁ 4
Mayé pepoderi peusari puranga pe dinheiro?
“Ta uyukuntari ramé, ta usú ta ukuá ta umuñhã puranga maã ta uputariwaá.” — Provérbios 20:18
Pañhe yandé yaprecisari dinheiro yamuñhakunta arama yané anamaitá resé. (Provérbios 30:8) Dinheiro aé yepé maã importantewaá. (Eclesiastes 7:12) Amuramé umendariwaitá ta umaã iwasú ta ukuntari arama kuayewaá resé, ma ti puranga uyuyaká dinheiro resewara. (Efezowaraitá 4:32) Ta usari ramé dinheiro ta uprecisari ta umanduári yepewasú.
1 RESIKARI REUSARI PURANGA PE DINHEIRO
MAÃ BÍBLIA UMBEU: “Mayewaá pe suíwara uputariwaá umuñhã yepé torre, mayé taá ti uwapika umanduári muíri taá kurí ugastari, sá urikú umbawa arama aé?” (Luka 14:28) Importante umendariwaitá ta umanduári yepewasú mayé ta usú ta usari ta dinheiro. (Amós 3:3) Peparawaka maã peprecisari pepiripana asuí muíri dinheiro pepoderi peusari. (Provérbios 31:16) Ti peprecisari peusari pañhe dinheiro perikuwaá. Pemaã katú pe suí ti arama pepiripana maã tiwaá pepoderi pepagari. — Provérbios 21:5; 22:7.
MAÃ REPODERI REMUÑHÃ:
-
Muíri yasí usobrari ramé dinheiro peparawaka yepewasú mayé pesú peusari aé.
-
Ti ramé aikué dinheiro te repiripana tiwaá reprecisari. Yepé exemplo, amuramé pepoderi pemuñhã pe kupixá perikú arama timbiú.
2 PEKUNTARI PE DINHEIRO RESÉ ASUÍ TE PEYUGANANI
MAÃ BÍBLIA UMBEU: ‘Yaputari yamuñhã purangawaá Deus umaã arama, apigaitá ta umaã arama yuíri.’ (2 Korintowaraitá 8:21) Te reganani ne mena u ne rimirikú muíri dinheiro rerikú asuí muíri regastari.
Repurandú maã ne mena u ne rimirikú umanduári maã resé reputariwaá repiripana. (Provérbios 13:10) Pekuntari ramé mayé pesú peusari dinheiro, pesú pepitá yepewasú pe mendarisá upé. Te pemanduári: “kuá dinheiro se yara”, ma pemanduári pañhe dinheiro pe yara. — 1 Timóteo 5:8.
MAÃ REPODERI REMUÑHÃ:
-
Pekuntari muíri dinheiro pepoderi pegastari pe pesúa.
-
Pekuntari mayé pepoderi peusari dinheiro usika rundé yepé iwasuwaá tempo.
