UMBUESÁ 22
Mayé repoderi rembeu Bíblia resé amú miraitá supé?
Reyumbuéwana siya supiwaá Bíblia resé até kuíri. Amuramé remanduári kuayé: ‘Pañhe awá urikuté ukuá kuá resé!’ Supité, pañhe miraitá ta uprecisari ta ukuá kuá resé! Ma, amuramé resikié rekuntari amuitá supé maã resé reyumbuewaá reikú. Kuá umbuesá upé, resú remaã mayé repoderi tiã resikié asuí mayé resú repitá surí rekuntari ramé Bíblia resé amú miraitá supé.
1. Mayé repoderi rekuntari amuitá supé maã resé reyumbuewaá reikú?
Jesus discípuloitá ta umbeu: “Ti yapoderi yapituú yapurungitá sesé kuá yamaãwaá yasenduwaá yuíri.” (Ato 4:20) Aintá usaisú retana supiwaá asuí ta uputari ta ukuntari isesé pañhe miraitá supé ta upoderiwaá. Reyusaã será kuayé yuíri? Ape, resikari rekuntari respeito irum ne anamaitá supé asuí ne rumuaraitá supé maã resé reyumbuewaá. — Releri Kolosowaraitá 4:6.
Mayé repoderi remuñhã
-
Mairamé rekuntari yepé ne anamaitá irum, repoderi rekuntari kuayé: “Ayumbué yepé maã purangawaá kuá semana upé.”
-
Reusari yepé Bíblia versículo remusurí arama yepé ne rumuara imasiwaá uikú u uyukawaá ipiá yepé maã resé.
-
Mairamé yepé mira upurakiwaá ne irum upurandú ne suí mayé taá resasá amú kuesé, rekuntari ixupé maã reyumbué Bíblia resé u maã reyumbué reyumuatiri ramé yané irum.
-
Remukameẽ site jw.org ne rumuaraitá supé.
-
Resenũi yepé ne rumuara u yepé ne anamaitá uyumbué arama ne irum Bíblia resé u remukameẽ mayé aé upoderi upurandú uyumbué arama Bíblia resé jw.org upé.
2. Marã puranga rembeu Bíblia resé yepewasú congregação irum?
Jesus discípuloitá ta ukuntari kuera ñheenga purangawaá resé miraitá supé ta uconheceriwaá. Ma aintá umbeu yuíri Bíblia resé yepewasú congregação irum. Jesus umundú idiscípuloitá ta umbeu arama Bíblia resé “mukũmukũi . . . pañhe tetama kití”. (Luka 10:1) Ta umuñhã ramé kuayé siya miraitá ta upoderi ta usendú Bíblia resé. Asuí, ta umbeu ramé yepewasú Bíblia resé miraitá supé, aintá upitá surí retana. (Luka 10:17) Será indé repoderi yuíri rembeu Bíblia resé yepewasú congregação irum?
REYUMBUÉ PIRI ARAMA
Remaã mayé repoderi tiã resikié asuí mayé resú repitá surí rekuntari ramé Bíblia resé amú miraitá supé.
3. Jeová usú uajudari indé
Yepeyepé ta uputariwaá ta umbeu Bíblia resé amuramé ta uyupreocupari maã resé amuitá ta usú ta umanduári u maã ta usú ta umuñhã.
-
Indé resikié rekuntari amuitá supé maã resé reyumbuewaá? Marã?
Pemaã kuá VÍDEO. Ariré pekuntari kuá resé:
-
Mayé kuá Umbeusaitá Jeová resé pisasuwaitá tiã ta usikié?
Peleri Izaía 41:10. Ariré pekuntari kuá resé:
-
Mayé oração upoderi uajudari indé resikié ramé rembeu Bíblia resé?
Rekuáwana kuá resé?
Siya Umbeusaitá Jeová resé ta umanduári kuera ti ta uconseguiri ta umbeu Bíblia resé. Remaã maã usasá yepé yané mũ irum iserawaá Sergey, Rússiawara. Aé umaité kuera ti ukuá umuñhã ne maã puranga, asuí iwasú ixupé ukuntari arama amú miraitá irum. Ariré uyupirũ uyumbué Bíblia resé. Aé uñheẽ: “Até asikié ramé ayupirũ akuntari amú miraitá supé maã resé ayumbuewaá. Kuá uajudari ixé ayusaã arama surí piri, asuí umuñhã aruyari se piá suí maã resé ayumbuewaá.”
4. Rekuntari purangasá irum
Mairamé rekuntari Bíblia resé amuitá supé remanduári mayé resú rekuntari umbá añhũ maã resé resú rekuntari. Peleri 2 Timóteo 2:24 asuí 1 Pedro 3:15. Ariré pekuntari kuá resé:
-
Rekuntari ramé Bíblia resé amu miraitá irum, mayé repoderi remuñhã maã kuá versículoitá ta umbeu?
-
Maã repoderi remuñhã mairamé ne anamaitá u ne rumuaraitá ti ta uruyari ne resé? Maã ti rerikuté remuñhã?
-
Maã puranga piri: rekuntari aintá irum purangasá irum u reyaká aintá ta umanduári arama mayé ne yawé? Marã?
5. Yakuntari ramé Bíblia resé amuitá supé umusurí yandé
Jeová umundú Jesus umbué Bíblia resé. Mayé Jesus umaã kuera kuá murakí? Peleri João 4:34. Ariré pekuntari kuá resé:
-
Yambaú ramé yapitá kirimbá asuí yané rurí. Marã Jesus umbeu yamuñhã ramé Jeová vontade (mayé yambeu ramé Bíblia resé), mayé yambauwaá yawé?
-
Indé arama, marã rembeu ramé Bíblia resé umusurí indé?
Maã repoderi remuñhã
-
Reyumuatiri ramé yané irum semana piterupiwaá upé, resikari reyumbué mayé repoderi rembeu Bíblia resé amuitá supé.
-
Repoderi yuíri remuñhã parte reyumuatiri ramé semana piterupiwaá upé. Kuá usú umusurí indé rekuntari arama amuitá supé maã resé reyumbuewaá.
-
Reusari kuá quadro “Yepeyepé miraitá ta umbeu” u “Sá yepé mira upurandú” uajudari arama rekuá mayé repoderi resuaxara maã ta upuranduwaá asuí rekuá arama maã repoderi rembeu ti ramé ta uruyari ne resé.
SÁ YEPÉ MIRA UPURANDÚ: “Mayé taã yasendú?”
-
Mayé repoderi rekuntari maã resé reyumbuewaá Bíblia resé kuá mira irum?
MAÃ REYUMBUÉ
Ti iwasú rekuntari arama Bíblia resé amú miraitá supé asuí kuá umusurí indé.
Remanduári arama
-
Marã yambeu Bíblia resé miraitá supé?
-
Mayé repoderi remuñhã kuayé purangasá irum?
-
Maã repoderi remuñhã ti arama resikié rembeu Bíblia resé?
REPUTARI SERÁ REKUÁ PIRI?
Remaã mayé repoderi rembeu Bíblia resé yané site jw.org cartão irum.
Mayé yapoderi yambeu Bíblia resé: Site jw.org visita cartão (1:43)
Remaã quatro rikusaitá ta upoderiwaá ta uajudari rembeu arama Bíblia resé.
“Reikú será pronto repinaitika arama miraitá?” (A Sentinela, setembro de 2020)
Remaã mayé kuá Bíblia exemplo upoderi uajudari rerikú arama coragem rembeu arama Bíblia resé, até pisasú rameré indé.
Reyumbué mayé repoderi rembeu Bíblia resé ne anamitá supé tiwaá ta ukuá Jeová resé.
