Mayé yapoderi yayumbué puranga kuá musapiri maã resé Bíblia umbuewaá?
Reyumbué yepé Umbeusá Jeová resé irum: Repurandú reyumbué arama Bíblia resé kuá mira irum umeẽwaá kuá papera indé arama u repurandú yané site rupí jw.org.
YEPESÁ PARTE
Releri parágrafoitá asuí purandusaitá (A). Releri Bíblia versículoitá yuíri umunduwaá releri arama. Puranga releri ramé amú versículoitá yuíri (B), ñhãsé aintá ta usú ta uajudari rekuá arama maã resé umbeu kuá parágrafo.
MUKŨISÁ PARTE
Kuá parte upé “Reyumbué piri arama”, resú remaã maã resé umbeu kuá umbuesá (C). Kuá númeroitá (D) ta usú ta uajudari rekuá xinga arama maã resé importante piriwaá. Releri Bíblia versículoitá, resuaxara purandusaitá asuí remaã vídeoitá (E).
Remaã rangaitá asuí maã umbeu aintá (F), asuí remanduari maãma indé rembeu kuá parte resé “Yepeyepé miraitá ta umbeu” (G).
MUSAPIRISÁ PARTE
Reyumbué pawa ramé kuá umbuesá, resú remaã “Maã reyumbué” asuí yepé parte “Remanduari arama” (H). Remupinima ma ara reyumbué pawa kuá umbuesá. Kuá parte upé “Remuñhã kuayé” (I) resú remaã maã xinga repoderima remuñhã. Kuá parte upé “Reputari será rekua piri” (J) resú rewasemu amú maãitá reyumbué arama piri kuá resé.
Mayé repoderi rewasemu versículoitá Bíblia upé?
Rewasemu primeiro livro Bíblia (A) suí. Ariré rewasemu capítulo (B) asuí remaã versículo u versículoitá (C). Remaã yepé exemplo: João 17:3, reprecisari rewasemu João livro, capítulo 17, versículo 3.
