“Pañhe kuáita anjoita upuamu trono ruaki . . . asuí ta umeẽ purangawaá Deus supé.” — Apokalipse 7:11

Maã Bíblia umbeu anjoita resé?

• Jó 38:4-7

  Jeová umuñhã anjoita umuñhã rundé iwí.

• Apokalipse 5:11

  Aikué siya anjoita.

• 1 Pedro 1:11, 12

  Anjoita ta uputariwara ta ukuá maã Jeová usu umuñhã miraita supé asuí iwí upé.

• Luka 15:10

  Anjoita ta uputari maã purangawaá Deus miraita supé.

“Anjoita . . . aintá uajudari arama kuáita urikuwaita kurí mundo tiwaá upawa.” — Ebreoita 1:14

Marã yapuderi yaruyari anjoita ta upuderi ta uajudari yandé?

• Gênesis 19:15, 16; Daniel 6:22; Luka 22:43; Ato 12:6-11

  Anjoita ta uajudari kuera Ló, Daniel, Jesus, asuí Pedro.

• Ebreoita 1:7, 14

  Mayé kuxiíma Jeová usari anjoita ta uajudari arama imiraita yaweté yuíri uajudari imiraita kuá tempo upé.

“Ti arama kurí Yurupari umuserana yandé, ñhasé yakuawaá mayé taá uganani miraita.” — 2 Korintowaraita 2:11

Awá taá demônioita? Marã yawaité aintá?

• Apokalipse 12:9

  Yepé anjo uparawaka upitá Deus ruaxa. Aé isera Yurupari.

• Gênesis 6:2; Juda 6

  Noé tempo upé kuera, yepeyepé anjoita ti ta usendu Jeová, asuí ta uwiyé iwí kiti.

• Mateu 9:34

  Kuá anjo puxiwerawaita ta useruka aintá demônioita. Aintá ta usendu Yurupari.

• Deuteronômio 18:10, 11

  Demônioita ta uganani miraita asuí ta umuñhã puxiwerawaá aintá supé.

“Pemuruayana kuá Yurupari, ape kurí uyawawa pesuí.” — Tiago 4:7

Maã represisari remuñhã Jeová uajudari arama indé remuserana Yurupari asuí demôniota?

• Ato 19:19

  Rembawa pañhe maã mamé aikuewaá magia, payéita yara asuí demônioita yara.

• Éfezowaraita 6:16, 18

  Rexári ne ruiarisá kirimbá reyumbuewaá rupí Bíblia asuí repurandu Jeová supé umukaturu arama indé.

• Provérbios 18:10

  Mairamé remuñhã ne oração reusari Jeová rera.