‘Ñhasé ti awá upuderi uganani Deus umuñhã arama puxiwera, ti yuíri uganani amu umuñhã arama puxiwera.’ — Tiago 1:13

Marã yapurará kuá mundo upé?

• 1 João 5:19

  Yurupari umundú uiku kuá mundo upé.

• Romawaraita 3:23

  Siya miraita ta umuñhã puxiwerawaá amuita supé.

• Eclesiastes 9:11; Luka 13:1-5

  Amuramé usasá maã puxiwerawaá yané irum tiwaá upé yasaru.

• 1 Pedro 5:7

  Jeová usaisu miraita asuí ti uputari aintá ta upurará.

Yurupari uñheẽ: ‘Deus ukuawaté peresá uyupirari ramé, pepitá kurí Deus yawé, pekuá maã purangawaá asuí maã puxiwerawaá.’ — Gênesis 3:5

Marã Jeová uputari ta ukuá Yurupari aé ugananisara?

• Gênesis 3:2-5

  Yurupari uñheẽ Jeová ti umundú puranga yané resé. Aé uputari kuera miraita ta uruyari ta upuderi ta uparawaka ta pesua maã purangawaá asuí maã puxiwerawaá.

• Jó 38:7

  Siya anjoita ta usendu mairamé Yurupari ukuntari puxiwera Jeová ruaxa.

“Apigá ti ukuá puranga sapé.” — Jeremias 10:23

Marã Jeová usaru usasá siya tempo umbawa arama yapurarawaá irum?

• Isaías 55:9

  Ne awá upuderi umundú puranga kuá iwí resé ti resewara ta uriku Jeová ajuda.

• 2 Pedro 3:9, 10

  Jeová uriku resewara pasiensia, yapuderi yakuá píri isesé asuí yaparawaka yasendu aé.

• 1 João 3:8

  Jeová Jesus rupí usu umbawa pañhe puxiwerawaá irum Yurupari umuñhãwaá.

“Remanduari puranga, se raíra, apuderi arama asuaxara kuá umuruayanawaá ixé.” — Provérbios 27:11

Marã Jeová ti uputari yamuñhã maã umunduwaá ti ramé yaputari?

• Provérbios 30:24-28

  Suúita ti ta umanduari. Ma Jeová uxári yaparawaka maã yaputari yamuñhã. Yapuderi yaparawaka yasendu Jeová u ti yasendu aé.

• Mateu 22:37, 38

  Jeová uputari yasendu aé, yasaisu resewara aé.