“Pesendu se ñheenga asuí ayeréu pe Deus, asuí peñhe peyeréu se miraita.” — Jeremias 7:23

Será yapuderi yariku Deus mayé yané rumuara?

• Gênesis 22:18; Tiago 2:23

  Abraão upitá mayé Deus rumuara ñhasé aé usendu Jeová asuí uruyari isesé.

• 1 Pedro 3:12

  Jeová usu uajudari pañhe awá usenduwaita aé.

• Salmo 25:14; 32:8

  Jeová umbué isumuaraita asuí umuñhã ta ukuá arama.

• Filipowaraita 4:6, 7

  Jeová uajudari isumuaraita.

“Pañhe mamé, Jó ti umuñhã pekadu ne umbeu Jeová umuñhã maã puxiwerawaá ixupé.” — Jó 1:22

Maã Yurupari umuñhã Jó supé asuí maã Jó umuñhã?

• Jó 1:10, 11

  Yurupari uñheẽ Jó ti usendu Jeová usaisu rupí aé, ma Jeová umeẽ resewara pañhe maã purangawaá ixupé.

• Jó 1:12-19 asuí 2:7

  Jeová uxári Yurupari uyuka pañhe maã Jó suí. Yurupari uxári Jó resé yepé masi puxiwerawaá retana.

• Jó 27:5

  Jó ti ukuá kuera marã upurará retana. Yawewaá suité ti uxári Jeová.

Yurupari uñheẽ: “Apigá umeẽ kurí pañhe maã urikuwaá ivida rupí.” — Jó 2:4

Maã Yurupari umuñhã umuapatuka arama yané amizade Jeová irum?

• 2 Korintowaraita 11:14

  Yurupari uputari uganani yandé ti arama yasendu Jeová.

• Apokalipse 12:10

  Aé uputari umuñhã yaruyari Jeová ti uputari yandé mayé isumuara, ñhasé yandé yariku pekadu turusu.

• 1 Pedro 5:8

  Yurupari umuñhã pañhe maã umuapatuka arama yandé yasendu Jeová.

• Provérbios 27:11

  Resendu ramé Jeová aé upitá mayé ne rumuara yawé. Indé rexári pañhe awá ukuá Yurupari ugananisara.

“Ñhasé yawésawa ugustarisawa kuá Deus yamuñhã arama kuá umbeuwaá.” — 1 João 5:3

Maã represisari remuñhã reriku arama Deus mayé ne rumuara yawé?

• Mateu 22:37

  Resaisu Deus. Remuñhã ramé yawé resu reputari resendu aé.

• Tiago 1:25

  Resendu Deus. Remuñhã ramé yawé ne vida usu upitá puranga píri.

• Deuteronômio 30:11-14

  Ne mairamé Jeová usu umundú remuñhã tiwaá repuderi.

• Filipowaraita 4:13

  Remuñhã satambikawaá. Jeová usu umeẽ kirimbasá indé arama.