‘Pañhe suka puraita iwaka kiti, kuá mundo upé yuíri aintá uriku isera.’ — Éfezowaraita 3:14, 15

Mayé ne anama upuderi upitá surí?

• Gênesis 1:26-28

  Yapresisari yakuá Jeová kuá umuñhãwaá anamaita.

• Éfezowaraita 5:1, 2

  Pañhe anamaita upé ta upresisari ta umuñhã mayé Jeová yawé asuí mayé Jesus yawé.

“Perikuté pegustari perimiriku, asuí kuáita urikuwaita aintá mena aintá urikuté aintá urespeitari aintá mena.” — Éfezowaraita 5:33

Mayé menaita asuí ximirikuita ta urikuté ta uviveri?

• Éfezowaraita 5:22-29

  Yepé mena urikuté umuñhakunta ianama resé. Aé urikuté usaisu iximiriku. Iximiriku urikuté umuñhã mayé imena uparawakawaá ianamaita rupí purangawaá.

• Kolosowaraita 3:19; 1 Pedro 3:4

  Imena asuí iximiriku ta upresisari ta uyugustari asuí ta uyusendu.

• 1 Pedro 3:1, 2, 7

  Aintá ta urikuté ta uyurespeitari.

• 1 Timóteo 5:8; Tito 2:4, 5

  Imena upresisari upuraki umeẽ arama pañhe maã ianama ta upresisariwaá. Iximiriku upresisari umuñhakunta puranga ianama resé.

“Peñhe payaita, te pempiaíwa kuáita peraíraita, ma pemukiriari aintá yané Ruixawa ñheenga resé kuayé uputariwaá yawé.” — Éfezowaraita 6:4

Mayewaá muraki Jeová umeẽ payaita supé?

• Deuteronômio 6:4-9; 2 Timóteo 3:14, 15

  Payaita ta urikuté ta umbué Jeová resé ta raíraita supé mairamé aintá tainaré. Payaita ta upresisari ta uriku pasiensia ta uajudari arama ta raíraita ta upitá arama mayé Jeová rumuara.

• 1 Pedro 5:8

  Payaita ta upresisari ta umbué ta raíraita ta umaã katu arama ta suí miraita ta uputariwaá ta upisika aintá.

• Ebreoita 12:7, 9-11

  Payaita ta upresisari ta umusatambika ta raíraita, ma ti piaiwasá irum.

“Peñhe taínaita perikuté peruyari pe payaita ñheenga.” — Éfezowaraita 6:1

Marã ta raíraita ta urikuté ta usendu ta payaita?

• Provérbios 23:22-25; Kolosowaraita 3:20

  Jeová asuí payaita ta upitá surí mairamé raíraita ta usendu aintá.

• 1 Korintowaraita 15:33

  Mairamé raíraita ta uriku ta rumuaraita ta usaisuwaá Jeová, iwasuíma píri ta umuñhã arama satambikawaá asuí ta usendu arama ta payaita.