Jeová uñheẽ: “Peyuíri aintá suí, petirika aintá suí; te peruyari kuá ikiawaá aintá umuñhãwaá.” — 2 Korintowaraita 6:17

Marã ti yapuderi yariku iduluita asuí ne yapurandu umanũwaita suí?

• Êxodo 20:4, 5; 1 João 5:21

  Jeová ti uputari yausari iduluita yadorari arama aé.

• Deuteronômio 18:10-12

  Yepé mira umaité ukuntari uiku umanũwaita irum, ma ti supí. Aé ukuntari uiku demônioita irum.

“Perikuté pesikari maã irum pemusuri arama kuá yané Ruixawa.” — Éfezowaraita 5:10

Maã resé rerikuté remanduari reparawaka rundé sá resu yepé festa kiti?

• 2 Korintowaraita 6:14, 15

  Resikari rekuá sá Jeová ugustari u ti ugustari kuá festa.

• Êxodo 32:2-10

  Amuramé Deus ti ugustari pañhe festaita mamé anamaita ta uyumuatiri, até ta ukuntari ramé kuá festa puranga.

• Daniel 3:1-27

  Te resu festaita kiti mamé ta umusasá yepé tetama ara, mamé ta umusasá yepé mira supé.

• 1 Timóteo 1:18, 19

  Remaã katu ne suí asuí reparawaka maã uxariwaá ne manduarisá timaãresé.

“Pembeu kuá ñhenga purangawaá yawewarawaté, kuayé yamusembikawaá yawé yukíra irum, pekuawaá arama mayé pesuaxara aintá yaweyawé.” — Kolosowaraita 4:6

Mayé yapuderi yambeu amuita supé yaruyariwaá resé?

• Mateu 7:12

  Rerespeitari maã aintá ta uparawakawaá mayeté indé reputari amuita ta urespeitari maã reparawakawaá.

• 2 Timóteo 2:24

  Remuñhã purangawaá asuí te repitá ne piaíwa mairamé amuita ti ta urespeitari maã resé indé reruyari.

• 1 Pedro 3:15

  Rembeu maã resé indé reruyari timaãresesá irum asuí respeito irum.

• Ebreoita 10:24, 25

  Reyumuatiri Umbeusáita irum Jeová resé. Aintá ta usu ta uajudari indé rekuá arama rembeu amuita supé maã resé indé reruyariwaá.