“Remaã kuá paranã! Marã taá ti repuderi rebatizari ixé kuíri?” — Ato 8:36

Marã asuí mayé rerikuté reyubatizari?

Reyubatizari ramé indé remukameẽ retrukari ne vida asuí kuíri reparawaka remuñhã maã Deus uputariwaá.

• Mateu 28:19, 20

  Remuñhã arama maã Deus uputariwaá represisari reyubatizari.

• Ebreoita 10:7

  Reyubatizari ramé rexári amuita ta ukuá indé reparawaka maã Deus uputariwaá.

• Mateu 3:16

  Mayé Jesus uyubatizariwaá paranã upé, indé rerikuté remuyapumi pañhe ne pira ií upé.

“Ñhasé ugustarisá kuá Deus yamuñhã arama kuá umbeuwaá, kuáita umbeuwaá timaã iwasu yamuñhã aintá.” — 1 João 5:3

Marã ti represisari resikié remeẽ ne vida Jeová supé?

• Salmo 103:14; Isaías 41:10

  Jeová ukuá yariku pekadu, ma mairamé remeẽ ne vida Jeová supé aé usu uajudari remuñhã arama maã satambikawaá.

• Kolosowaraita 1:10

  Ne saisusá Jeová rupí umuserana resikiesá remusasiara aé.

“Ayuíri amuñhã arama kuayé reputariwaá yawé indé Deus.” — Ebreoita 10:7

Maã represisari remuñhã reyubatizari rundé?

• João 17:3

  REYUMBUÉ DEUS ÑHEENGA RESÉ

  Rerikuté rekuá Jeová resé asuí Jesus resé. Reyumbué ramé píri ta resé ne saisusá usu uyukirari.

• Ebreoita 11:6

  REMUKIRARI RERUYARISÁ

  Represisari reruyari Deus prumesaita resé asuí Jesus manusá resé uyukawaá yané suí yané pekadu asuí manusá.

• Ato 3:19

  REMAÃ SASIARA NE PEKADUITA

  Remaã sasiara maã puxiwera remuñhãwaita kuera.

  RETRUKARI NE MANDUARISÁ

  Uputari uñheẽ indé resu repituú remuñhã maã puxiwerawaá asuí remuñhã satambikawaá.

• 1 Pedro 4:2

  REMEẼ NE VIDA JEOVÁ SUPÉ

  Indé repurandu Jeová irum yepé orasão rupí asuí reprumeteri resu readorari añhu aé. Reprumeteri yuíri resu remuñhã añhu maã aé uputari ne vida upé.