“Deus suíwara pañhe kuá ñheenga.” — 2 Timóteo 3:16

Marã Bíblia amurupité amu livroita suí?

Aikué Bíblia siya ñheenga rupí.

Maã Bíblia umbuewaá ti aikué amu paperaita upé.

• 1 Tesalonikawaraita 2:13

  Bíblia aé Deus Ñheenga.

• 2 Pedro 1:21

  Kuxiíma Deus uparawaka apigáita ta umpinima arama Bíblia upé maã aé uputariwaá.

“Deus tiwaá uganani.” — Tito 1:2

Marã indé repuderi reruyari Deus Ñheenga resé?

• Isaías 44:27–45:2

  Siya akayu rundé Bíblia umbeu kuera mayé Babilônia ukañhemu arama. Kuirité tiã yamaã Babilônia, mayé Deus Ñheenga umbeuwaá yawé.

• 2 Timóteo 3:1-5

  Yané tempo upé yamaã yaiku maãita Deus Ñheenga umbeuwaá maã usasá aramawaita.

• Números 23:19

  Maã Deus Ñheenga umbeu usu arama usasá yané rundé kiti.

‘Ñhasé pañhe kuá aintá umpinimawaá . . . aé yayumbué aramawaá ipupé, ape yaiku arama surí.’ — Romawaraita 15:4

Maã reyumbué Bíblia upé?

• Jó 26:7; Isaías 40:22

  Mairamé Bíblia umbeu ciência resé aé ti uyawí. Aé umbeu kuera maã supiwaá iwí resé.

• Números 20:2-12

  Awáita umupinimawaá Bíblia ti ta uganani ta vida resé, ta ukuntari supiwaá.

• Mateu 5-7

  Jesus umbué mayé yapuderi yaviveri surí, mayé yaviveri yepewasu amuita irum, mayé yapurandu Deus irum asuí mayé yausari puranga yané diñhero.

“Kuá Deus Ñheenga upakawaá aé, kirimbá aé.” — Ebreoita 4:12

Mayé taá Deus Ñheenga upuderi uajudari indé?

• Aé uajudari indé rekuá arama maã Deus uputari miraita supé.

• Aé uajudari indé rekuá arama awá taá indé ne piá upé.

• Aé uajudari rekuá arama mayé remusurí Deus.

Deus uputari indé reyuka tempo releri arama Bíblia, reyumbué arama isesé asuí resaisu maã aé uñheẽwaá.