Jesus úri “umanũ arama aintá resewara kuáita siyawaita uyurawa arama aintá.” — Mateu 20:28

Maã suí pañhe yandé yapresisari yayuyurawa?

• Gênesis 3:17-19

  Adão ti resewara usendu Jeová, aé uriku kuera pekadu asuí Jeová umburi aé Paraíso suí. Yawewaá resewara aé ti upitá Jeová rumuara.

• Romawaraita 5:12

  Yayuíri Adão suí. Adão resewara yandé yariku pekadu asuí yamanũ.

• Éfezowaraita 1:7

  Bíblia umbeu Jesus manusá resewara, Jeová uyuka yané pekadu yané suí asuí manusá suí.

‘Deus umundú resewara itaíra yepeñhuwaá kuá mundo upé yandé yapaka arama.’ — 1 João 4:9

Maã Jeová umuñhã uyuka arama yané pekadu yané suí asuí manusá suí?

• Salmo 49:7, 8

  Ne awá upuderi uyuka yané pekadu yané suí, añhuté yepé apigá pekaduímawaá upuderi uyurawa yandé.

• Luka 1:35

  Jeová umundú itaíra iwí kiti. Jesus unaseri pekaduíma.

• Romawaraita 3:23, 24; Ebreoita 9:24

  Jesus umanũ, ma Jeová umbaka aé uyuíri arama iwaka kiti asuí imanusá rupí uyuka arama yané pekadu.

“Asuí uyusi aintáresa yukisé pañhe, ti kurí yamaã manusá.” — Apokalipse 21:4

Mayé Jesus manusá uajudari yandé?

• 1 João 1:8, 9

  Deus uyuka yané suí yané pekadu.

• Ebreoita 9:13, 14

  Yapuderi yariku yamanduarisá ikiaíma.

• Romawaraita 6:23

  Yasaru kurí yepé vida tiwaá upawa.

• Galasiawaraita 2:20

  Jesus manusá umuñhã yakuá Jeová asuí Jesus ta usaisu yandé.

‘Deus umundú itaíra yepeñhuwaá pañhe awá rupí uxáriwaita aintá piá sesé ta uriku arama mundo nunkawaá upawa.’ — João 3:16

Mayé yapuderi yamukuekatu maã Jeová umuñhãwaá yané rupí?

• João 17:3

  Reyumbué Jeová resé asuí Jesus resé remuñhã arama mayé aintá yawé.

• Luka 22:19

  Muíri akayu, reyumuatiri yané irum remanduari arama Jesus manusá ara.

• João 3:36; Tiago 2:26

  Remuñhã ramé mayé Jesus umbuewaá, indé rexári ta ukuá supiwaá kuá reruyarisá.