“Umanũwaita ti ta ukuá ne maã.” — Eclesiastes 9:5

Maã usasá mairamé yepé mira umanũ?

• Salmo 146:3, 4; Eclesiastes 9:6, 10

  Umanũwaita ti ta umaã, ti ta usendu asuí ti ta umanduari ne maã.

• João 11:11-14

  Jesus umbeu yepé mira umanũ ramé mayeté yakiriwaá yawé.

“Ma añhu yepé iwá umuñhã rekuá purangawaá asuí puxiwerawaá ti repuderi reú, ma ara indé reú, indé remanũ kurí.” — Gênesis 2:17

Marã miraita ta umanũ?

• Gênesis 3:1-6

  Yurupari uganani Eva. Adão asuí Eva ti ta usendu Jeová, yawé arama ta umanũ.

• Gênesis 3:19

  Umanũ ramé Adão uyeréu iwí. Aé ti usu ne makiti.

• Romawaraita 5:12

  Pekadu mayé yepé masi yawé upuderiwaá usasá amu mira supé. Adão umusasá pekadu pañhe yandé arama. Yawé arama yamanũ.

• 1 Korintowaraita 15:26

  Deus Ñheenga umbeu manusá aé mayé yané ruayana.

“Yepé mira umanũ ramé, upuderi será upaka amu ara?” — Jó 14:14

Maã suí tiã yasikié yakuá ramé maã usasá umanũwaita irum?

• 1 João 4:8

  Será supí Deus umuñhã miraita ta upurará tatá upé? Umbá. Aé ne mairamé umuñhã miraita ta upurará yawé.

• Apokalipse 4:11

  Será yasikié umanũwaita suí u yapurandu ajuda ta irum? Umbá. Añhu yarikuté yapurandu Jeová irum asuí yadorari añhu aé. Aé yané Muñhangara asuí añhu aé yané Deus retewaá.