‘Kuá manusá yané ruayanawaá añhuaramawaá usu upawa.’ — 1 Korintowaraita 15:26

Mayé Deus Ñheenga uajudari yandé mairamé awá umanũ yané suí?

• 2 Korintowaraita 1:3, 4

  Mairamé yepé mira umanũ yané suí yapitá sasiara retana, ma Deus Ñheenga umusuri yandé.

• Apokalipse 21:4; 1 Korintowaraita 15:21

  Jeová umbawa kurí manusá irum. Aé usu umbaka umanũwaita.

“Kuñhãtai, kuíri amundú: repuamu.” — Marko 5:41

Marã yapuderi yaruyari umanũwaita ta usu ta upaka?

• João 11:1-44

  Jesus umbaka kuera Lázaro manusá suí.

• Marko 5:22-24, 35-42

  Jesus umbaka kuera yepé kuñhãmuku manusá suí.

• João 11:41, 42

  Kuxiíma Jesus umbaka umanũwaita Jeová kirimbasá irum.

• João 12:9-11

  Kuxiíma kuera siya miraita ta umaã Jesus umbaka umanũwaita, até isuayanaita ta umaã.

“Indé resenui kurí ixé asuí ixé asu asuaxara kurí indé. Indé reputari remaã mukũisá remuñhãwaita.” — Jó 14:13-15

Awá taá Jeová usu umbaka manusá suí?

• João 5:28, 29

  Jeová umanduari pañhe miraita, aé uputariwaá umbaka aintá manusá suí.

• Ato 24:15

  Kuáita purangawaita asuí puxiweraita ta usu ta upaka manusá suí.

• Salmo 147:4, 5

  Jeová ukuá pañhe estrelaita rera. Yawewaá resewara yapuderi yaruyari iwasuíma Jeová supé umanduari arama awá aé uputari umbaka manusá suí.

‘Asu se Paya píri amukaturu arama mamé peiku aramawaá.’ — João 14:2

Awáita ta usu ta uviveri iwaka upé?

• 1 Pedro 3:18

  Yepesawaá Jeová umbaka kuera Jesus manusá suí uviveri arama iwaka upé.

• Luka 12:32 (TNM)

  Jesus umbeu añhu yepeyepé ta usu ta uviveri iwaka upé.

• Apokalipse 14:1

  Jeová uparawaka 144 mil miraita ta uviveri arama iwaka upé.