8. Maã kuá Deus Guvernu?
1 SERÁ DEUS GUVERNU MAYÉ APIGÁITA GUVERNU YAWÉ?
“Reyúiriana yané píri yané Ruixawa arama indé, rexári yamuñhã kuayé reputariwaá yawé iké kuá mundo upé aintá yawé kuáita iwaka kitiwaraita [puraita yawé].” — Mateu 6:9-13
Maã kuá Deus Guvernu?
-
Kuá Deus Guvernu uiku iwaka upé. Kuá guvernu usu umundú kuá iwí resé.
-
Jesus usu umundú Deus Guvernu upé.
-
Deus uparawaka 144 mil miraita ta umundú arama Jesus irum iwaka upé.
-
Jesus asuí kuáita 144 mil aintá ta ukuá puranga maã miraita ta usasá ta vida upé asuí mayé ta uyusaã.
2 SERÁ JESUS USU UMUNDÚ PURANGA YANÉ RESÉ?
Jesus “umuñhã kurí satambikawaá pirasuawaita supé.” — Isaías 11:4
Marã ne awá upuderi umundú puranga píri Jesus suí?
-
Umundúwaita ta upuderi ta umanũ, ma Jesus ne mairamé usu umanũ. Jesus umuñhãwara kurí purangawaá miraita supé.
Isaías 11:2-4
Ne awá umundú kuá mundo upé mayé Jesus yawé. Jesus kirimbá píri pañhe amuita suí. Aé umuñhãwara satambikawaá asuí uputari uajudari miraita.
3 MAYÉ DEUS USU UMUÑHÃ IGUVERNU RUPÍ MAÃ AÉ UPUTARIWAÁ?
“Deus iwakapura umuñhã yepé guvernu pisasu tiwaá kurí upawa.” — Daniel 2:44
Maã kuá Deus Guvernu umuñhãwana até kuíri asuí maã aé usu umuñhã yané rundé kiti?
-
Ñhaã akayu 1914 upé, Jesus upitá mayé Tuixawa iwaka upé. Ñhaã akayu upé aé umburi Yurupari iwí kiti. Yawewaá resewara kuá mundo uyumuteresému purarasá irum.
-
Umundúwaita ta uganani miraita asuí ti marã ta uputari miraita. Deus guerra upé, iserawaá Armajedom, Deus Guvernu usu umbawa umundúwaita irum kuá iwí upé.
-
Puxiwerawaita tiwaá ta uyumusatambika ta vida ta usu ta ukañhemu.
-
Mairamé Deus Guvernu umundú kuá iwí upé, ne awá usu upitá imasi asuí umanũ. Pañhe miraita ta usu ta urespeitari asuí ta uadorari añhu Jeová.