Tuláakal le baʼaxoʼob yaan teʼ sitio jw.org jeʼel u páajtal xan a wilik ta celular wa ta tableteʼ. Baʼaleʼ teʼ nuʼukuloʼob maas mejentak u pantallailoʼoboʼ yaanal tuʼux ku yilaʼal le jaatsoʼob tuʼux tsʼaʼan le publicaciónoʼoboʼ, lelaʼ beetaʼan utiaʼal a wilik tubeel le sitiooʼ. Le baʼaxoʼob ku yaʼalaʼal beoraaʼ yaan u yáantkech a wil bix jeʼel u maas meyajtech tubeeleʼ.

•  Ilawil le jaatsoʼob ku taaskoʼ

•  Ilawil le capítuloʼob bey xan le xookoʼob ku taaskoʼ

•  Xok le Biblia ich Internetoʼ

•  Uʼuy u grabaciónil junpʼéel xook

Teʼ computadoraʼoboʼ u kʼaabaʼ le jaatsoʼob tuʼux tsʼaʼan le publicaciónoʼob teʼ sitiooʼ maases láaj kaʼanal tsolaʼaniloʼob. Yéetel kéen a tsʼáankʼabt junpʼéel tiʼ le jaatsoʼoboʼ ku yeʼesiktech baʼax publicaciónoʼob yaan ichil.

Chéen baʼaleʼ teʼ celularoʼob yéetel teʼ tabletoʼoboʼ u kʼaabaʼ le jaatsoʼob tuʼux tsʼaʼan le publicaciónoʼob teʼ sitiooʼ ku jóokʼol tu tséelik bey junpʼéel chan listaeʼ. Lelaʼ ku saʼatal xan utiaʼal a wilik tu túulisil le pantallaoʼ.

• U kʼaabaʼ le chan cuadroaʼ Menú. Wa ka péetsʼkʼabtikeʼ yaan u yeʼesiktech baʼaxoʼob ku taasik, wa ka kaʼa péetsʼkʼabtikeʼ ku kʼalik le listaoʼ. Yéey le jaats taak a wilkoʼ.

• U kʼaabaʼ le chan cuadroaʼ Baʼax ku taasik. Wa ka péetsʼkʼabtikeʼ yaan u yeʼesiktech baʼaxoʼob ku taasik, yéey le jaats taak a wilkoʼ.

• U kʼaabaʼ le chan cuadroaʼ Taʼak baʼax ku taasik. Lelaʼ ku meyaj utiaʼal a kʼalik le jaatsoʼoboʼ.

• Le chan cuadroaʼ jw.org, wa ka péetsʼkʼabtikeʼ ku sutikech tu káajbal le sitiooʼ.

• Le chan cuadroaʼ ku kʼaabaʼtik Yéey u idiomail, lelaʼ ku yeʼesik tiʼ baʼax idiomailoʼob yaan le sitiooʼ.

• U kʼaabaʼ le chan cuadroaʼ Kaxte. Teʼelaʼ jeʼel u páajtal a tsʼíibtik le baʼax taak a wojéeltikoʼ.

Wa tiʼ computadora ka xookeʼ yaan u béeytal a wilik tuláakal le xookoʼob ku taasik le publicaciónoʼ. Baʼaleʼ wa tiʼ tablet wa celular ka xookeʼ maʼ chíikaʼan le u maasil xookoʼob ku taaskoʼ.

• U kʼaabaʼ le chan cuadroaʼ Baʼax ku taasik. Le kéen a péetsʼkʼabteʼ yaan u yeʼesik le xookoʼob ku taasik le publicaciónoʼ. Kéen a péetsʼkʼabt u kʼaabaʼ le xookoʼ yaan u páajtal a xokik.

• U kʼaabaʼ le chan cuadroaʼ Paachil. Lelaʼ ku meyaj utiaʼal a suut teʼ capítulo wa le xook yaan antes tiʼ le táan a xokikoʼ.

• U kʼaabaʼ le chan cuadroaʼ Táanil. Lelaʼ ku meyaj utiaʼal a wilik le capítulo wa le xook ku segueroʼ.

• U kʼaabaʼ le chan cuadroaʼ Taʼak baʼax ku taasik. Le kéen a péetsʼkʼabteʼ yaan u taʼakik le xookoʼob ku taasik le publicaciónoʼ yéetel yaan u béeytal u seguer a xook.

Kaxt le jaats PUBLICACIÓNOʼOB > BIBLIA yéetel yéey le Biblia taak a xokikoʼ. Jeʼel xan u páajtal a péetsʼkʼabtik le tuʼux ku yaʼalik «Xok le Bibliaoʼ», lelaʼ tiʼ yaan tu káajbal le sitiooʼ. Nota: Wa táan a xokik le Biblia Túumben Luʼum (edición de estudio ich español), ilawil le xook «Como usar la Biblia de estudio».

Teʼ cuadro ku yaʼalik Chíikbes, yéey junpʼéel libro yéetel le capítulo taak a kaxtikoʼ, kéen tsʼoʼokkeʼ péetsʼkʼabt tuʼux ku yaʼalik Kaxte.

• Péetsʼkʼabt le cuadro Baʼax ku taasik utiaʼal a wilik u kʼaabaʼ u libroiloʼob le Bibliaoʼ bey xan uláakʼ baʼaloʼob ku taasik.

• Péetsʼkʼabt le cuadro ku yaʼalik Paachil utiaʼal a suut teʼ capítulo tsʼoʼok u máanoʼ.

• Péetsʼkʼabt le cuadro ku yaʼalik Táanil utiaʼal a wilik le capítulo ku segueroʼ.

• Utiaʼal u xuʼulul a wilik u libroiloʼob le Biblia teʼ pantallaoʼ, péetsʼkʼabt le cuadro Taʼak baʼax ku taasik.

Le chan Barra de audiooʼ letiʼe baʼax eʼesik yaan u grabaciónil le xookoʼ.

• Péetsʼkʼabt tuʼux ku yaʼalik Káajse, kéen a beeteʼ yaan u káajal a wuʼuyik le grabaciónoʼ.

• Péetsʼkʼabt tuʼux ku yaʼalik Jeʼelse, kéen a beeteʼ yaan u jeʼelel. Baʼaleʼ wa taak u seguer a wuʼuyikeʼ ka kaʼa péetsʼkʼabtik.

• Jutsʼ táanil wa paachil le chan Punto yaan teʼ barra de audio utiaʼal a tsʼáaik le grabación tuʼux taak a wuʼuyikoʼ.

Wa táan a seguertik le xookoʼ le Barra de audiooʼ maʼ tun saʼatal. Lelaʼ yaan u yáantkech utiaʼal a jeʼelsik yéetel a kaʼa seguertik le xookoʼ.