Tu kʼiinil 24 tak 26 tiʼ diciembre tiʼ 2021, sen kʼáax cháak tu kaajil Bahía, junpʼéel u estadoil Brasil. Úuchik u sen kʼáaxal jaʼeʼ yaʼab kaajoʼob búuloʼobi. Le oʼolal pʼáat maʼ chéen chʼaʼabil u bisaʼal áantaj tiʼobiʼ. Maas tiʼ 640,000 máakoʼob afectartaʼaboʼob tumen le cháakoʼ.

• Mix juntúul u testigo Jéeoba úuch loob tiʼ.

• 273 Testigoʼob kʼaʼabéetchaj u pʼatkoʼob u yotochoʼob.

• 109 najoʼob yaan baʼax úuchtiʼob.

• Óoxpʼéel naj tuʼux ku muchʼkuba u testigoʼob Jéeobaeʼ yaan u kʼaʼabéettal u yutskíintaʼal wa baʼax tiʼob.

• Anchaj u muchʼkuba junjaats sukuʼunoʼob utiaʼal u biskoʼob jaʼ, janal yéetel nookʼ tiʼ le sukuʼunoʼoboʼ.

• Le sukuʼunoʼob anchaj u pʼatik u yotochoʼoboʼ u kʼubéentmubaʼob yiknal u láakʼtsiloʼob wa yiknal le sukuʼunoʼoboʼ.

• Le táan u tsʼáaikoʼob le áantajoʼ le sukuʼunoʼoboʼ jach tu yilaj u kanáantkubaʼob tiʼ le COVID-19.

Sukuʼun Marcelo Ambrósio, táakaʼan ichil le Comité de Socorrooʼ, tu yaʼalaj: «Jach ku líiʼsik k-óol k-ilik jach u yaabiltmuba le sukuʼunoʼoboʼ. Leloʼ jach ku yáantkoʼon utiaʼal k-maas meyajtik Jéeoba».

Jach tu jaajil k-ojleʼ «Jéeobaeʼ yaan u kʼuchul u beetuba junpʼéel lugar seguro» utiaʼal le sukuʼunoʼob búuloʼoboʼ (Salmo 9:9).