Le sukuʼun Jean-Yves yéetel le kiik Vasthie Mudaheranwaoʼ, táan u yáantkoʼob le máaxoʼob yaan coronavirus tiʼob tu kaajil Montreal, Canadáoʼ. Le sukuʼun Mudaheranwaoʼ doctor tiʼ junpʼéel hospital, yéetel u yataneʼ juntúul enfermera ku yáantik le máaxoʼob yaantiʼob COVID-19. Kex yaʼab máakoʼob chiʼichnakoʼob teʼ kʼiinoʼobaʼ, letiʼobeʼ ku confiaroʼob tiʼ Jéeoba yéetel yaantiʼob «kiʼimak óolal tumen uts u yóol u puksiʼikʼaloʼob» (Isaías 65:14).

Le sukuʼun Mudaheranwaoʼ, ku yaʼalik: «Yaʼab tiʼ in wéet meyajoʼobeʼ jach táaj saajkoʼob, mix juntéen in wiloʼob beyoʼ». U yatan le sukuʼunoʼ, ku yaʼalik: «Jach ku yáantkoʼon k-xakʼalxoktik le Bibliaoʼ. Lelaʼ ku yeʼesiktoʼoneʼ kuxaʼanoʼon tu tsʼook kʼiinoʼob, yéetel k-ojleʼ Jéeobaeʼ tiaʼan t-éeteleʼ yéetel mix bikʼin ken u pʼatoʼon. Uláakʼ baʼax áantkoʼoneʼ letiʼe k-sen oraroʼ. Antes in bin meyajeʼ kin orar, leloʼ ku yáantken utiaʼal maʼ in sen tuukul».

Le sukuʼunoʼ ku yaʼalik: «Teneʼ béeychaj in púutsʼul le ka sen kíimsaʼab le máakoʼob tu luʼumil Ruandaoʼ. Pero desde ka kʼuchoʼon Canadáeʼ mix juntéen k-il junpʼéel baʼal beyoʼ, le oʼolal ku tuʼubultoʼon wa kuxaʼanoʼon tu tsʼook kʼiinoʼob. U jaajileʼ maʼ tin tuklaj wa jach naatsʼ yanil le xuʼulsajiloʼ. Chéen baʼaleʼ le kʼojaʼanilaʼ tsʼoʼok u yeʼesikten kuxaʼanoʼon tu tsʼook kʼiinoʼob. Bejlaʼeʼ maas yaan in fe tiʼ le profecíaʼob yaan teʼ Bibliaoʼ».

Le bix u yuʼubikuba le sukuʼun yéetel le kiik Mudaheranwaoʼ láayliʼ bey u yuʼubikuba le máaxoʼob meyajtik Jéeoba tuláakal yóokʼol kaaboʼ. Kex yaʼab máakoʼob saajkoʼobeʼ letiʼobeʼ jeetsʼel yanil u puksiʼikʼaloʼob (Isaías 48:18).