Desde 4 tiʼ Enero tiʼ 2023, tu estadoil California (Estados Unidos) káaj u kʼáaxal kʼaʼamkach jaʼob, le hielo yéetel le iikʼoʼ yaʼab loob tu beetaj. Le kʼaʼamkach jaʼoʼ tu beetaj u jach búulul le kaajoʼ, u sen antal luuk’ yéetel u bin le corrienteoʼ. U milesil máakoʼobeʼ tu pʼataj u yotochoʼob, yéetel óoliʼ 19 máakoʼob kíimoʼobiʼ. Chéen ichil wa jaypʼéel kʼiinoʼobeʼ tiʼ jujunpʼéel lugaroʼobeʼ kʼáax le buka’aj jaʼ suuk u kʼáaxal ich seis mesesoʼ.

• Mix juntúul u testigo Jéeoba kíimi.

• 199 Testigoʼob kʼaʼabéetchaj u pʼatkoʼob u yotochoʼob.

• Cuatro najoʼobeʼ jach kʼaschajoʼob.

• 141 najoʼobeʼ yaan baʼax kʼaschajtiʼob.

• 23 salónoʼobeʼ yaan baʼax kʼaschajtiʼob.

• Junpʼéel Oficina Remota de Traduccióneʼ yaan baʼax kʼaschajtiʼ.

• Le superintendenteʼob tiʼ circuito yéetel le ancianoʼoboʼ táan u meyajtiʼob le Biblia utiaʼal u líiʼskoʼob u yóol le sukuʼunoʼoboʼ. Tsʼoʼoleʼ táan xan u tsʼáaikoʼob le baʼaxoʼob kʼaʼabéettiʼoboʼ.

• 44 najoʼobeʼ chéen jujunpʼéel baʼaxoʼob kʼaʼabéetchaj u yutskíintaʼaltiʼob.

• 15 najoʼobeʼ anchaj u láaj utskíintaʼal.

K-ojleʼ Jéeobaeʼ yaan u yáantik yéetel yaan u líiʼsik u yóol le sukuʼunoʼob táan u máanskoʼob yaayaj kʼiinoʼoboʼ (Salmo 50:15).