Desde 16 tak 18 tiʼ diciembre tiʼ 2021, le tifón Raioʼ (kʼaj óolaʼan xan bey Odetteeʼ) yaʼab tuʼuxoʼob tiʼ u luʼumil Filipinas tu afectartaj. Le tifónoʼ ook tu islail Siargao, yéetel u yiikʼaleʼ tu chukaj tak 195 kilómetros por hora. Yaʼab baʼaloʼob xan tu kʼaskúuntaj tu xamanil le isla Mindanaoʼ, tu noojol le isla Luzónoʼ yéetel teʼ islas Visayasoʼ.

• Cuatro u túulal sukuʼunoʼob kíimoʼobiʼ.

• Juntúul sukuʼuneʼ láayliʼ saatleʼ.

• 12 u túulaleʼ yaan wa baʼax loob úuchtiʼob.

• Maas tiʼ 2,000 publicadoroʼob anchaj u pʼatik u yotochoʼob.

• 246 najoʼob láaj kʼaschajoʼobi.

• 327 najoʼob óolak láaj kʼaschajkoʼobeʼ.

• 1,174 najoʼob maʼ jach nojoch loob úuchtiʼobiʼ.

• 43 najoʼob tuʼux ku muchʼkuba u testigoʼob Jéeobaeʼ maʼ jach yaʼab baʼaloʼob kun utskíintbil tiʼobiʼ.

• Anchaj u beetaʼal seis u pʼéelal Comités tiʼ Socorro utiaʼal u yilaʼal bix kun tsʼaabil le áantajtiʼoboʼ.

• Le sukuʼunoʼob ancianoʼoboʼ táan u meyajtiʼob le Biblia utiaʼal u líiʼskoʼob u yóol le sukuʼunoʼob afectarnajoʼoboʼ, maases le yaan máax kíim tiʼoboʼ.

• Le táan u tsʼaʼabal áantaj tiʼ le sukuʼunoʼoboʼ chʼaʼab en cuenta le baʼaxoʼob kʼaʼabéet u beetik máak utiaʼal u kanáantkuba tiʼ le COVID-19.

Yéetel u yáantaj le ancianoʼoboʼ le sukuʼunoʼob maʼ afectartaʼaboʼoboʼ tu síiʼob janal yéetel nookʼ tiʼ le sukuʼunoʼob tuʼux máan le tifónoʼ. Le yanoʼob tu kaajil Davaoʼ tu túuxtoʼob áantaj tiʼ le sukuʼunoʼob yanoʼob Surigaoʼ yéetel tu séebaʼanil úuchik u tʼoʼoxoltiʼob.

Jach yaj t-óol úuchik u kíimil jujuntúul sukuʼunoʼob teʼ tifónoʼ. K-ojel teʼ «tu tsʼook kʼiinoʼob» kuxaʼanoʼonaʼ yaan u yilaʼal «yaayaj kʼiinoʼob», pero k-confiar de ke Jéeobaeʼ yaan u seguer u líiʼsik k-óol yéetel yaan u tsʼáaiktoʼon muukʼ (2 Timoteo 3:1).