Tu kʼiinil 21 tiʼ octubre tiʼ 2024, le tormenta tropical Tramioʼ a tu sen beetaj loob Filipinas. Le ka tu jatsʼaj u xamanil Filipinaseʼ u yiikʼal le tormentaaʼ jach fuertechajiʼ, tu chukaj kex 160 kilómetros por hora. Le sen cháak yéetel le kʼaʼamkach iikʼoʼ tu sen beetaj u búulul le káajoʼ yéetel tu taasaj yaʼabkach luukʼ. Lelaʼ tu kʼaskúuntaj yaʼab najoʼob, carreteraʼob yéetel uláakʼ baʼaloʼob. Tiʼ le seis millones máakoʼob kajaʼanoʼob teʼeloʼ kex junpʼéel millóneʼ kʼaʼabéetchaj u pʼáatik u yotoch. Kíim 126 máakoʼobiʼ.

• Juntúul kiik kíimi.

• 747 publicadoroʼobeʼ anchaj u pʼatik u yotochoʼob.

• 7 najoʼobeʼ jach láaj júutoʼob.

• 24 najoʼobeʼ jach kʼaschajoʼob.

• 128 najoʼobeʼ yaan baʼax kʼaschajtiʼob.

• 8 salónoʼobeʼ yaan baʼax kʼaschajtiʼob.

• Le superintendenteʼob tiʼ circuito yéetel le ancianoʼoboʼ táan u líiʼskoʼob u yóol le sukuʼunoʼob afectartaʼaboʼoboʼ yéetel táan u tsʼaʼabal le baʼax kʼaʼabéettiʼoboʼ.

• Formartaʼab cinco Comitéʼob tiʼ Socorro utiaʼal u yáantaʼal le sukuʼunoʼoboʼ.

Jach yaj t-óol k-ojéeltik le bukaʼaj loob tu sen beetaj le tormentaaʼ yéetel le máaxoʼob kíimoʼob tu yoʼolaloʼ. Le Bibliaoʼ ku yaʼalikeʼ Dioseʼ maʼ kun xáantal ken u xuʼuls tuláakal le baʼaxoʼob beetik k-muʼyajoʼ. Lelaʼ jach ku líiʼsik k-óol yéetel ku tsʼáaiktoʼon esperanza (Isaías 25:8).