Le sitio jw.org ku taasik junpʼéel túumben baʼal táan kaʼach u páaʼtaʼal tumen yaʼab máakoʼob. Bejlaʼeʼ ku páajtal a kʼexik u coloril le pantallaoʼ, ku páajtal a yéeyik ka pʼáatak de sak wa boox.

Le u kʼexpajal de boox le pantallaoʼ kʼaj óolaʼan bey modo oscuroeʼ. Le kéen a booxkíint le pantallaoʼ le letraʼoboʼ ku saktaloʼob wa ku chʼaʼikoʼob uláakʼ coloroʼob. Pero le dibujoʼob yéetel le fotoʼoboʼ maʼatech u kʼexpajloʼob. Yaʼab máakoʼobeʼ uts tu tʼaan u booxkíintkoʼob le pantallaoʼ tumen beyoʼ maʼ tu jach kaʼanal u yichoʼob le kéen xooknakoʼoboʼ. Tsʼoʼoleʼ lelaʼ ku yáantaj xan utiaʼal u xook máak de áakʼab bey xan teʼ tuʼuxoʼob maʼ jach yaan sáasiloʼ. Jeʼel xan u yáantik le máaxoʼob ku yajkúuntaʼal u yichoʼob tumen u juul le pantallaoʼ.

Utiaʼal a kʼexik u coloril le pantallaoʼ xeen tu kabalil le sitioaʼ yéetel ka péetsʼkʼabtik le tuʼux ku yaʼalik: «Yéey u color le pantallaoʼ». Wa maʼ a kʼáat a kʼex u colorileʼ chéen ka wilik ka pʼáatak marcadoil le tuʼux ku yaʼalik: «Pʼáatak jeʼex yaniloʼ». Pero wa a kʼáat ka pʼáatak sakileʼ ka yéeyik le tuʼux ku yaʼalik: «Sak», chéen baʼaleʼ wa a kʼáat ka booxchajkeʼ ka yéeyik le tuʼux ku yaʼalik: «Boox».

Lelaʼ yaan xan u páajtal u beetik máak teʼ aplicación JW Libraryoʼ. Jach k-tsʼáaik gracias tiʼ Jéeoba yoʼolal tuláakal le áantajoʼob ku tsʼáaiktoʼon utiaʼal u páajtal k-maas xokik le Bibliaoʼ.