Tu mesil noviembre tiʼ 2021, u testigoʼob Jéeobaeʼ tu tʼoxoʼob tiʼ tuláakal yóokʼol kaab le revista U Pʼíich Tulumil Kanan número 2 tiʼ 2021. Lelaʼ tu tʼoxoʼob ich maas tiʼ 300 idiomaʼob. Ichil le jeʼeloʼobaʼ tiʼ siete idiomaʼobeʼ jach yáax u traducirtaʼal le revistaaʼ. Letiʼe jeʼeloʼobaʼ: feroés, pidgin de Hawái, luxemburgués, manipuri (alfabeto latino), oriya, pomeranio yéetel criollo santalucense.

Nicholas Ahladis, ku meyaj tiʼ Servicios tiʼ Traducción tuʼux ku nuʼuktaʼal u meyaj u testigoʼob Jéeobaeʼ tu yaʼalaj: «Le baʼaxoʼob ku yaʼalik k-publicaciónoʼoboʼ beetaʼan utiaʼal tuláakal máak, chéen baʼaleʼ yaan tuʼuxeʼ le traductoroʼoboʼ maʼ tu béeytal u traducirkoʼob tuláakal le revistaʼob U Pʼíich Tulumil Kanan ku jóoʼsaʼaloʼ. Le Comitéʼob tiʼ Sucursal nuʼuktik le meyaj ku beetik le traductoroʼoboʼ yaan horaeʼ jeʼel u kʼáatkoʼob tiʼ le Comité tiʼ Redacción ka traducirtaʼak jujunpʼéel publicaciónoʼoboʼ. Lelaʼ bey beetaʼabik yéetel le revista U Pʼíich Tulumil Kanan número 2 tiʼ 2021, le oʼolal páajchaj u traducirtaʼal ichil le siete idiomaʼoboʼ».

Beoraaʼ yaan k-ilik jujunpʼéel experienciaʼob anchaj yéetel le revista U Pʼíich Tulumil Kanan jóoʼsaʼab ichil le idiomaʼobaʼ. Lelaʼ ku yeʼesik le utsil tu taasaj le campañaoʼ bey xan le utsiloʼob ku taasik tuláakal le meyaj ku beetaʼal utiaʼal u jóoʼsaʼal u maasil publicaciónoʼob ichil uláakʼ idiomaʼoboʼ.

Jach ku kiʼimaktal k-óol k-ojéeltik yoʼolal le campañaaʼ tiʼ yaʼab máakoʼob kʼuch le revista U Pʼíich Tulumil Kananoʼ. Le campañaoʼobaʼ ku yáantajoʼob utiaʼal u béeytal le baʼax u kʼáat Diosaʼ: «Ka u salvartuba tuláakal u jejeláasil máakoʼob yéetel ka kʼuchuk u kʼaj óoltoʼob tubeel le jaajoʼ» (1 Timoteo 2:4).