Tu kʼiinil 24 yéetel 25 tiʼ enero tiʼ 2022, u cháakiloʼob le tormenta tropical Anaoʼ tu bulaj yaʼab lugaroʼob tu luʼumil Malaui yéetel Mozambique. Tsʼoʼoleʼ u yiikʼal xaneʼ yaʼab baʼaloʼob tu kʼaskúuntaj yéetel yaʼab máakoʼob kíimoʼobiʼ. Tu kʼaskúuntaj xan yaʼab carreteraʼob bey xan najoʼob. U milesil máakoʼob xaneʼ kʼaʼabéetchaj u pʼatik u yotochoʼob.

Malaui

• Yaj t-óol k-tsʼáaik a wojéelteʼexeʼ u yatan juntúul sukuʼun yéetel kaʼatúul u paalal yaantiʼob 3 yéetel 5 añoseʼ kíimoʼob tumen walkʼaj le lancha tuʼux ku bisaʼaloʼob kaʼachoʼ.

• U chan hija juntúul sukuʼun yaan 7 años tiʼ yéetel uláakʼ juntúul kiikeʼ úuch loob tiʼob.

• Kex 1,000 u túulal sukuʼunoʼobeʼ anchaj u pʼatik u yotochoʼob.

• Kaʼapʼéel salónoʼobeʼ maʼ jach kʼaschajoʼobiʼ.

• Kex 100 najoʼob óolak kʼaschajkoʼob.

• Óoliʼ 100 najoʼob láaj kʼaschajoʼob.

Mozambique

• Mix juntúul sukuʼun kíimi.

• Kaʼatúul sukuʼunoʼob úuch loob tiʼob.

• 381 sukuʼunoʼob anchaj u pʼatik u yotochoʼob.

• Óoxpʼéel salónoʼobeʼ maʼ jach kʼaschajoʼobiʼ.

• Óoxpʼéel salónoʼobeʼ óolak kʼaschajkoʼob.

• Óoxpʼéel salónoʼobeʼ láaj kʼaschajoʼob.

• 51 najoʼob maʼ jach kʼaschajoʼobiʼ.

• 96 najoʼob óolak kʼaschajkoʼob.

• 79 najoʼob láaj kʼaschajoʼob.

• Tu luʼumil Malaui yéetel Mozambiqueeʼ formartaʼab Comitéʼob tiʼ Socorro.

• Le Comitéʼob tiʼ Socorrooʼ táan u tsʼáaikoʼob baʼax kʼaʼabéet tiʼ le sukuʼunoʼoboʼ, jeʼex janal yéetel jaʼ.

• Le táan u tsʼaʼabal áantaj tiʼ le sukuʼunoʼoboʼ chʼaʼab en cuenta baʼax unaj u beetik máak utiaʼal u kanáantkuba tiʼ le COVID-19.

K-ojel Jéeobaeʼ yaan u seguer u tsʼáaik muukʼ tiʼ le sukuʼunoʼob utiaʼal u aktáantkoʼob le yaayaj kʼiinoʼobaʼ (Salmo 46:1).