Tu kʼiinil 6 tiʼ noviembre tiʼ 2024, le Junta Municipal tiʼ Urbanismo tiʼ u kaajil Ramapoeʼ tu tsʼáaj permiso utiaʼal u káajal u construcciónil Ramapo. Yéetel le permisoaʼ jeʼel u páajtal u káajal k-construir teʼ lugaroʼ.

Tu mesil junio tiʼ 2023, le Junta Municipal tiʼ Urbanismo tiʼ u kaajil Ramapoeʼ tu aprobartaj u planoiloʼob le proyectoaʼ. Antes tiʼ lelaʼ tsʼaʼabtoʼon permiso utiaʼal k-chʼakik le cheʼob yaan kaʼach teʼ lugaraʼ. Chéen baʼaleʼ yéetel le túumben permisoaʼ jeʼel u páajtal u káajal u beetaʼal le entrada principaloʼ, u jóoʼsaʼal le tuunichoʼob utiaʼal u beetaʼal le cimientoʼoboʼ yéetel u páanaʼal le luʼum utiaʼal u tsʼaʼabal u tuberíailoʼob le jaʼoʼ.

Kevin Page, táakaʼan ichil u comitéil le proyectoaʼ, tu yaʼalaj: «Jach kiʼimak k-óol úuchik u tsʼaʼabaltoʼon le permisoaʼ. Jéeobaeʼ jach tsʼoʼok u bendecirtik tuláakal baʼax t-beetaj utiaʼal u tsʼaʼabaltoʼon. Jach k-tsʼáaik u graciasil tiʼ Jéeoba yéetel k-kʼáatiktiʼ ka u bendecirt tuláakal le meyaj kun beetbiloʼ».

Tuláakloʼon jach kiʼimak k-óol tumen yaan u káajal u construcciónil Ramapo. Jach k-kʼáatik tiʼ Jéeoba ka u bendecirt tuláakal le meyaj kun beetbiloʼ bey xan le máaxoʼob kun meyajoʼoboʼ (Ageo 1:14).