Tu kʼiinil 9 tiʼ octubre tiʼ 2024, jáalkʼabtaʼab le sukuʼun Arsén Avanésov tiʼ junpʼéel carcel yaan Rusiaoʼ. Tu kʼiinil 29 tiʼ julio tiʼ 2021, tsʼokaʼaniliʼ u condenartaʼal utiaʼal u kʼaʼalal seis años y medio carceleʼ. Ka máan kʼiineʼ juntúul juezeʼ tu yaʼaleʼ yaan u máansik siete años teʼ carceloʼ. Pero como tsʼoʼok maas tiʼ dos años kʼaʼalak tu yotocheʼ jeʼel u páajtal u yaʼalaʼaleʼ tsʼoʼok u kʼuchul u tiempoil u jóokʼol.

Le sukuʼun Vilén Avanésov, u papá Arsénoʼ, condenartaʼab xan teʼ mismo kʼiin yéetel u hijooʼ. Letiʼeʼ tu máansaj seis años cárcel yéetel chaʼab u jóokʼol 9 tiʼ febrero tiʼ 2024.

Kex kʼalaʼan cárceleʼ, sukuʼun Arséneʼ maʼ lúub u yóoliʼ baʼaxeʼ maas muʼukʼaʼanchaj u fe tiʼ Jéeoba. Antes tiʼ u kʼaʼaleʼ tu yaʼalaj tiʼ le tribunaloʼ: «Teneʼ in kʼubmaj in kuxtal tiʼ Dios tumen in yaabiltmaj yéetel in prometermaj tiʼ mix bikʼin in traicionartik». Arséneʼ tu yaʼaleʼ wa jach tu jaajil yaan u fe máak tiʼ Dioseʼ mix máak jeʼel u páajtal u lúuʼsik tiʼeʼ. Tu tsʼookeʼ tu yaʼaleʼ tu lugar u náachtal tiʼ Dioseʼ hasta maas náatsʼ tu yiknal.

Jach kiʼimak k-óol tumen bejlaʼeʼ Arséneʼ tsʼoʼok u jóokʼol carcel yéetel tiaʼan yiknal u familiaeʼ, mantatsʼ k-orar yoʼolal le sukuʼunoʼob yanoʼob carceloʼ. K-ojleʼ kex yaʼab baʼaloʼob táan k-muʼyajtikeʼ Jéeobaeʼ maʼ ken u pʼatoʼon tumen letiʼeʼ mantatsʼ ku bendecirtik le máaxoʼob ku chúukpajal u yóoloʼob tiʼoʼ (1 Pedro 1:6, 7).