Tu jaʼatskabil 10 tiʼ abril tiʼ 2018, le investigadoroʼob yéetel le policíaʼob táakaʼanoʼob teʼ Fuerzas de Intervención Especialoʼ, máanoʼob utiaʼal u xakʼaltikoʼob u yotoch le Testigoʼob kajaʼanoʼob Ufá, u capitalil Baskortostánoʼ (Rusia). Jujuntúuloʼobeʼ u tsʼaamoʼob u máscaraʼob yéetel yaan kaʼach u tsʼoonoʼob. Le sukuʼun Anatoli (Tolia) Vilitkévicheʼ, maʼach tumen le autoridadoʼoboʼ ka kʼaʼali. Aliona, u yatan le sukuʼun yéetel uláakʼ cuatro kiikoʼobeʼ, ku yaʼalikoʼob bix tu yuʼubilubaʼob ka máan le policíaʼoboʼ.