Tu kʼiinil 15 tiʼ enero tiʼ 2022, anchaj junpʼéel nuxiʼ tsunami tu islailo’ob Tonga tumen xíik junpʼéel volcán yaan tu jaʼiloʼob le Océano Pacíficooʼ. Le baʼax úuchoʼ como jach nojocheʼ páajchaj u yilaʼal tak Sudamérica yéetel Japón. U taʼanil le volcánoʼ kʼuch tiʼ yaʼab islaʼob, tsʼoʼoleʼ yoʼolal le tsunamioʼ yaʼab tuʼux búuli. Le oʼolal pʼáat jach istikyaj u comunicarkuba máak teʼeloʼ.

• Tiʼ mix juntúul sukuʼun úuch loob.

• Anchaj u beetaʼal junpʼéel Comité de Socorro.

• Táan u yáantaʼal le sukuʼunoʼob utiaʼal u luʼskoʼob le taʼan lúub yóokʼol u techoil u yotochoʼoboʼ, tumen le jaʼ ku lúubul tu yóokʼoloʼ ku conectar yéetel le cisterna tuʼux ku chʼaʼikoʼob jaʼ utiaʼal u yukʼikoʼoboʼ.

• Le táan u tsʼáaikoʼob le áantajoʼ le sukuʼunoʼoboʼ jach ku yilik u kanáantkubaʼob yoʼolal le COVID-19.

Le sukuʼunoʼoboʼ séebaʼan úuchik u kaʼa káajal u conectarkubaʼob utiaʼal le reuniónoʼoboʼ. K-ojleʼ Jéeobaeʼ yaan u yáantik yéetel yaan xan u líiʼsik u yóol le sukuʼunoʼob táan u muʼyajoʼob yoʼolal le baʼax úuchoʼ (Salmo 86:17).