U testigoʼob Jéeoba yanoʼob Mariúpol, Járkov, Hostomel yéetel uláakʼ kaajoʼobeʼ jach táan u muʼyajoʼob tu yoʼolal le guerra yaan Ucraniaoʼ. Yaan sukuʼunoʼobeʼ tsʼoʼok óoliʼ junpʼéel semana maʼ páajchajak u jóokʼloʼob teʼ lugaroʼob tuʼux ku taʼakikubaʼoboʼ. Tsʼoʼok u pʼáatal óoliʼ minaʼan mix baʼal jaantbil, tsʼoʼoleʼ como láalaj hora táan u bin le corrienteoʼ ku pʼáatal óoliʼ minaʼan u señalil celular mix Internet. Yoʼolal leloʼ istikyaj u comunicarkuba máak yéetel u maasil.

Sukuʼun Dimitro Rozdorskieʼ kíim le ka tu péeʼchaʼataj junpʼéel mina wa bomba, letiʼ kaʼacheʼ anciano teʼ múuchʼulil Myrnohradoʼ yéetel 28 años yaan kaʼach tiʼ. K-orar yoʼolal le sukuʼunoʼob tsʼoʼok u perderkoʼob juntúul u láakʼtsiloʼoboʼ bey xan yoʼolal le sukuʼunoʼob yanoʼob teʼ tuʼux ku puʼulul le bombaʼoboʼ (2 Tesalonicenses 3:1).

Tak 7 tiʼ marzo tiʼ 2022, letiʼe bukaʼaj najoʼob yéetel salónoʼob kʼaschajoʼob Ucraniaoʼ:

• Kaʼatúul u testigoʼob Jéeoba kíimoʼob.

• Ocho u túulal sukuʼunoʼob úuch loob tiʼob.

• 20,617 sukuʼunoʼob tsʼoʼok u pʼatik u yotochoʼob.

• 25 najoʼobeʼ jach júutoʼob.

• 29 najoʼobeʼ yaʼab baʼax kʼaschaj tiʼob.

• 173 najoʼobeʼ yaan wa baʼax kʼaskúuntaʼab tiʼob.

• Cinco salónoʼobeʼ yaan xan baʼax kʼaskúuntaʼab tiʼob.

• 27 Comitéʼob tiʼ Socorroeʼ láayliʼ táan u meyajoʼob Ucraniaeʼ.

• Le comitéʼobaʼ tsʼoʼok u yáantik 6,548 Testigoʼob utiaʼal u yantaloʼob tiʼ lugaroʼob maas seguroʼob.

• 7,008 sukuʼunoʼobeʼ tsʼoʼok u pʼatik u luʼumoʼob yéetel táan u yáantaʼaloʼob tumen uláakʼ Testigoʼob.

• Utiaʼal u kʼaʼamal le máaxoʼob ku pʼatkoʼob u luʼumoʼoboʼ preparartaʼab junpʼéel salón tiʼ asamblea yéetel 30 salónoʼob tu chikʼinil Ucrania bey xan le yanoʼob tu kaajil Chernovtsi, Ivano-Frankovsk, Lviv (wa Leópolis) yéetel Transcarpatia.