Tu añoil 2020, ichil u mesil julio tak agostoeʼ, u testigoʼob Jéeoba tiʼ tuláakal yóokʼol kaabeʼ tu chaʼantoʼob le asamblea regional 2020. ¡Yáax u beetkoʼob junpʼéel baʼal beyaʼ! Utiaʼal u chaʼantaʼal le asamblea regionaloʼ yanchaj u grabartaʼal ich maas tiʼ 500 idiomaʼob. U suukileʼ ku bisik junpʼéel año wa maas u beetaʼal le nojoch meyajaʼ. Chéen baʼaleʼ yoʼolal le coronavirusoʼ yanchaj u séeb beetaʼal, tuláakal le meyajoʼ beetaʼab ich menos tiʼ cuatro meses. Le asamblea regionaloʼ tu kʼaabaʼtaj: «¡Kiʼimakchajak a wóol mantatsʼ!».

 Le Departamento Mundial de Compras yéetel le Departamento de Traducción yaan Estados Unidosoʼ jach yaʼab meyaj tu beetoʼob utiaʼal ka jóokʼok le nuxiʼ meyajaʼ. Le Departamento de Traducciónoʼ tu yileʼ kʼaʼabéet u yáantaʼal le traductoroʼob yéetel le baʼaxoʼob kʼaʼabéet utiaʼal ka u beetoʼob le meyajoʼ, jeʼex u maʼanal maʼalob micrófonoʼob utiaʼal u grabarkoʼob le asambleaoʼ. Le Departamento Mundial de Comprasoʼ tu manaj 1,000 micrófonoʼob yéetel tu túuxtaj kex tiʼ 200 lugaroʼob tuʼux ku grabar le sukuʼunoʼoboʼ.

 Utiaʼal u yéemsaʼal u tojoleʼ yaʼab micrófonoʼob yanchaj u maʼanal junpuul. Tsʼoʼoleʼ junpʼéeliliʼ tuʼux kʼuch tuláakal le baʼax maʼanoʼ, desde teʼeloʼ joʼopʼ u túuxtaʼal tiʼ tuláakal yóokʼol kaab. Le úuchik u maʼanal yéetel u túuxtaʼal le micrófonoʼoboʼ tu tojoltaj kex óoliʼ 3,500 cada junpʼéel. Chéen baʼaleʼ wa maʼ u beetaʼal beyaʼ, ¡maas yaʼab taakʼin kun xupbil kaʼachi!

 Le micrófonoʼoboʼ maʼanoʼob yéetel túuxtaʼaboʼob tu mesil abril yéetel mayo tiʼ 2020. Teʼ kʼiinoʼob jeʼeloʼ, yoʼolal le coronavirusoʼ, maʼ chéen chʼaʼabil u maʼanal yéetel u túuxtaʼal baʼaloʼobiʼ. Kex beyoʼ, tu jóokʼbal u mesil mayoeʼ, u maas yaʼabil le tuʼuxoʼob ku yúuchul traducir bey xan tu najiloʼob Beteloʼ tsʼokaʼaniliʼ u tsʼaʼabaltiʼob le baʼaxoʼob kʼaʼabéet utiaʼal u beetkoʼob le meyajoʼ.

 Jay Swinney, le máax nuʼuktik le Departamento Mundial de Comprasoʼ, ku yaʼalik: «Tuláakal lelaʼ tsʼoʼok u béeychajal tumen ku múul meyaj u departamentosil Betel bey xan le máaxoʼob ku koonoloʼoboʼ. Chéen yéetel u yáantaj Jéeoba béeychaj u séeb maʼanal yéetel u túuxtaʼal tuláakal le baʼaxoʼob kʼaʼabéet tiʼ le sukuʼunoʼoboʼ».

 Nicholas Ahladis, ku meyaj teʼ Departamento de Traducciónoʼ, ku yaʼalik: «Le traductoroʼoboʼ jach kiʼimakchaj u yóoloʼob úuchik u túuxtaʼal u micrófonoʼob utiaʼal u seguer u yáantajoʼob yéetel le meyaj ku beetaʼaloʼ. Kex náach yanikoʼobeʼ béeychaj u yáantajoʼob utiaʼal u traducirtaʼal le baʼax tsoʼol teʼ asambleaoʼ, ichileʼ táakaʼan le videoʼob yéetel le kʼaayoʼob beetaʼab ich maas tiʼ 500 idiomaʼoboʼ».

 Lelaʼ chéen junpʼéel tiʼ le bukaʼaj meyaj beetaʼab utiaʼal ka traducirtaʼak le asamblea regional 2020 «¡Kiʼimakchajak a wóol mantatsʼ!». Le bukaʼaj micrófonoʼob manoʼoboʼ chéen béeychaj u maʼanal yoʼolal le donaciónoʼob ta túuxteʼexoʼ, ichileʼ tiaʼan le ta túuxteʼex donate.pr418.com.