Jéeobaeʼ uts tu tʼaan u kaʼansik u kaajal. Le oʼolal u kaajaleʼ tsʼoʼok u beetik jejeláas escuelaʼob utiaʼal ka béeyak u maas kaʼansik tubeel le máaxoʼob meyajtikoʼ. Por ejemploeʼ yaan le Escuela utiaʼal Máaxoʼob Kʼaʼaytik le Reinooʼ. Teʼ tu tsʼook añosaʼ u kaajal Jéeobaeʼ maʼ chéen tsʼoʼok u maas maʼalobkíintik le xookoʼob ku beetaʼaloʼ, baʼaxeʼ tsʼoʼok u yilik xan u maas maʼalobkíintik le lugaroʼob tuʼux ku tsʼaʼabal le xookoʼoboʼ. Tuláakal leloʼ ku beetaʼal utiaʼal u yuʼubikuba maas cómodoil le máaxoʼob ku binoʼob teʼ xookoʼ bey xan le instructoroʼoboʼ. ¿Bix túun u meyajtoʼon le donaciónoʼob utiaʼal ka béeyak leloʼ?

 Desde úuchjeakileʼ le xookoʼoboʼ ku beetaʼaloʼob teʼ naj tuʼux ku muchʼkuba u testigoʼob Jéeoba wa tu Najil Asambleaʼob. Pero teʼ tu tsʼook añosaʼ tsʼoʼok u beetaʼal túumben lugaroʼob wa u jel utskíintaʼal túumben najoʼob utiaʼal le xookoʼoboʼ. ¿Baʼaxten? Koʼox ilik óoxpʼéel baʼax oʼolal.

 Jach kʼaʼabéet áantaj. Le sukuʼun Christopher Mavor, ku yáantaj teʼ Comité tiʼ Servicio tiʼ le Cuerpo Gobernanteoʼ, tu yaʼalaj: «Le sucursaloʼoboʼ tsʼoʼok u yaʼalikoʼobeʼ jach kʼaʼabéet u maasil sukuʼunoʼob yéetel kiikoʼob utiaʼal maas kʼaʼaytaj. Por ejemploeʼ tu añoil 2019, u sucursalil Brasileʼ tu yaʼaleʼ utiaʼal ka béeyak u maas kʼaʼaytaʼal u territorioil le sucursaloʼ kʼaʼabéet u bin kex 7,600 sukuʼunoʼob teʼ Escuela utiaʼal Máaxoʼob Kʼaʼaytik le Reinooʼ. U sucursalil Estados Unidoseʼ ku yaʼalik jach kʼaʼabéettiʼ yaʼab precursoroʼob preparadoʼob utiaʼal ka u kaʼansoʼob uláakʼ sukuʼunoʼob. Por ejemploeʼ utiaʼal ka u kaʼansoʼob uláakʼ sukuʼunoʼob kʼaʼaytaj tuʼux yaʼab u máan máak, teʼ puertoʼoboʼ bey xan teʼ cárceloʼoboʼ. Jach kʼaʼabéet xan uláakʼ sukuʼunoʼob ka áantajnakoʼob teʼ Departamento Local tiʼ Diseño yéetel Construcción bey xan teʼ Comité tiʼ Enlace yéetel le Hospitaloʼoboʼ. Le sukuʼunoʼob u graduarmubaʼob teʼ Escuela utiaʼal Máaxoʼob Kʼaʼaytik le Reinooʼ jach letiʼe ku kaxtaʼaloʼob utiaʼal ka u beetoʼob le meyajoʼobaʼ.

 Yaʼab solicitudoʼob ku kʼaʼamal. Tiʼ yaʼab sucursaloʼobeʼ jach yaʼab máaxoʼob ku túuxtik u solicitudoʼob utiaʼal ka xiʼikoʼob teʼ xookoʼ. Chéen baʼaleʼ yaan horaeʼ minaʼan u lugaril utiaʼal u tsʼaʼabal le xook tiʼoboʼ. Por ejemploeʼ tu sucursalil Brasileʼ chéen ichil junpʼéel añoeʼ kʼuch kex 2,500 u pʼéelal solicitudoʼob. Pero chéen páajchaj u aprobartaʼal 950 solicitudoʼob tumen maʼ jach yaʼab lugaroʼob yaan utiaʼal u tsʼaʼabal le xookoʼoboʼ.

 Hospedajeob maas maʼalobtak. Wa teʼ naj tuʼux ku muchʼkuba u testigoʼob Jéeoba bey xan wa tu Najil Asambleaʼob ku beetaʼal le xookoʼ le sukuʼunoʼob ku binoʼoboʼ ku pʼáatloʼob tu yotoch uláakʼ sukuʼunoʼob. Teʼ lugaroʼob tuʼux maʼ yaʼab xookoʼob ku beetaʼal ichil junpʼéel añoeʼ maas fácil jeʼel u tsʼaʼabal hospedaje tiʼ le sukuʼunoʼoboʼ. Pero teʼ lugaroʼob tuʼux ku programartaʼal maas yaʼab xookoʼoboʼ maʼ mantatsʼ jeʼel u páajtal u tsʼaʼabal hospedaje tiʼ le sukuʼunoʼoboʼ. Le oʼolaleʼ chʼaʼtuklaʼab u meyaj jujunpʼéel lugaroʼob yaan naatsʼ teʼ tuʼux ku beetaʼal le xook utiaʼal ka béeyak u hospedar le sukuʼunoʼob yéetel le kiikoʼob ku binoʼob teʼ xookoʼoboʼ.

 U preparartaʼal junpʼéel lugar utiaʼal u tsʼaʼabal xookeʼ maʼ jach fáciliʼ tumen ku yilaʼal ka yanak tuláakal baʼax kʼaʼabéet yéetel tuʼux u kajtal kex 30 j-xoknáaloʼob yéetel le instructoroʼoboʼ. Lelaʼ jeʼel u tojoltik u millonesil dólaroʼob según tuʼux kun beetbileʼ.

 Le xookoʼoboʼ maases ku beetaʼal paachil tiʼ le nukuch kaajoʼoboʼ. Pero ku yilaʼal xan wa jeʼel u béeytal u kʼuchul transporteeʼ. Ku chʼaʼabal en cuenta xan wa yaʼab publicadoroʼob yaan naatsʼ tiʼ le lugaroʼ, beyoʼ jeʼel u béeytal u yáantajoʼob le táan le xookoʼ bey xan utiaʼal u tsʼaʼabal mantenimiento tiʼ le edificioʼoboʼ.

 U suukileʼ teʼ lugaroʼobaʼ yaan bibliotecaʼobiʼ, lugaroʼob utiaʼal xakʼalxook, computadoraʼob yéetel impresoraʼob. Yaan xan comedoroʼob utiaʼal u múul janal le máaxoʼob ku binoʼob xookoʼ yéetel le instructoroʼoboʼ. Tsʼoʼoleʼ yaan xan lugaroʼob utiaʼal u beetaʼal ejercicioiʼ wa uláakʼ baʼaloʼob utiaʼal u náaysik u yóoloʼobiʼ.

 Pero le baʼax maas kʼaʼabéetoʼ letiʼe tuʼux ku tsʼaʼabal le xookoʼ. Juntúul sukuʼun ku kʼaabaʼtik Troy ku meyaj Warwick (Nueva York) teʼ Departamento Mundial tiʼ Diseño yéetel Construccióneʼ ku yaʼalik: «T-kʼáataj tiʼ le Departamento tiʼ Escuelas Teocráticas ka u yáantoʼon k-diseñart junpʼéel lugar jach maʼalob utiaʼal u yúuchul xook. Le sukuʼunoʼoboʼ tu yaʼaloʼobtoʼon bukaʼaj u nojchil kʼaʼabéet, bix kun sáasilkuntbil yéetel bix le equipo tiʼ audio yéetel video unaj u yantaloʼ». Juntúul instructor tiʼ le Escuela utiaʼal Máaxoʼob Kʼaʼaytik le Reino ku kʼaabaʼtik Zoltán yéetel ku tsʼáaik xook tu luʼumil Hungríaeʼ ku yaʼalik: «Tu káajbaleʼ como minaʼantoʼon micrófonoeʼ k-kʼáatik tiʼ le sukuʼunoʼob yéetel le kiikoʼob ka tʼaanakoʼob maas kʼaʼam kéen u tsʼáaʼob u comentarioʼoboʼ. Chéen baʼaleʼ beoraeʼ cada escritorioeʼ yaan u micrófonoil. ¡Bejlaʼeʼ minaʼantoʼon problema utiaʼal k-uʼuyik u comentarioʼob!».

 ¿Yaan wa utsiloʼob ku kʼamik le instructoroʼob yéetel le máaxoʼob ku xookoʼoboʼ? Yaan. Por ejemlploeʼ Angela, bin teʼ Escuela Utiaʼal Máaxoʼob Kʼaʼaytik le Reino tu kaajil Palm Coast (Florida). Letiʼeʼ ku yaʼalik: «Jach tranquilo yanil tuláakal le tuʼux ku yúuchul le xookoʼ bey xan le cuarto tuʼux k-weenloʼ. Le oʼolal ku páajtal k-maas concentrartikba teʼ xookoʼ yéetel k-sen kaanbal». Csaba, juntúul tiʼ le instructoroʼob tu luʼumil Hungríaeʼ, jach uts tu tʼaan u múul janal yéetel le máaxoʼob ku xookoʼoboʼ. Lelaʼ jach yaʼab utsiloʼob ku taasik. Letiʼeʼ ku yaʼalik: «Le táan k-janaloʼ ku páajtal u múul tsikbal tu yéeteloʼob yéetel k-uʼuyik bix u kuxtaloʼob, leloʼ ku yáantkoʼon utiaʼal k-maas kʼaj óoltikba yéetel ka béeyak k-áantkoʼob yéetel le baʼax ku kaʼansaʼal teʼ xookoʼ».

 Le instructoroʼob yéetel le máaxoʼob ku binoʼob teʼ xookoʼ ku yilkoʼob junpʼéel bendición le lugaroʼob tuʼux ku xookoʼoboʼ. Lelaʼ chéen ku béeytal yoʼolal Jéeoba, «le Máax jach maʼalob u kaʼansajoʼ» (Isaías 30:20, 21). Por ejemploeʼ, tu luʼumil Filipinaseʼ suʼut escuelail junpʼéel edificio yaan kaʼachi. Juntúul kiik bin teʼ Escuela utiaʼal Máaxoʼob Kʼaʼaytik le Reinooʼ ku yaʼalik: «Le bix beetaʼanil le lugaroʼoboʼ tu beetaj k-uʼuyik maʼ chéen bijaʼanoʼon xookiʼ baʼaxeʼ t-uʼuyaj u invitadoʼon Jéeoba. T-ileʼ letiʼeʼ jach u kʼáat ka k-disfrutart le táan k-xakʼalxoktik u tʼaanoʼ».

 Yoʼolal le donaciónoʼob ka tsʼáaikeʼexoʼ ku páajtal u beetaʼal túumben najoʼob tuʼux ku beetaʼal le xookoʼoboʼ, u jel utskíintaʼaloʼob yéetel u tsʼaʼabal mantenimiento tiʼob. Yaʼab tiʼ le donaciónoʼoboʼ ku túuxtaʼal tiʼ donate.pr418.com. ¡Jach diosboʼotik yoʼolal le donaciónoʼob ka tsʼáaikeʼexoʼ!