Tu áakʼabil domingo 24 tiʼ febrero tiʼ 1924, káaj u meyaj junpʼéel túumben estación tiʼ radio ku kʼaabaʼtik WBBR nuʼuktaʼan tumen le j-Xoknáaloʼob tiʼ le Bibliaoʼ. a ¿Bix túun biniktiʼob? ¿Yaan wa máaxoʼob uʼuyeʼ? Teʼ kʼiinoʼobaʼ, ¿bix u meyaj tiʼ u testigoʼob Jéeoba le tecnología utiaʼal u tsʼáaikoʼob ojéeltbil «le baʼaloʼob maʼalobtak» ken u beet u Reino Dios tiʼ tuláakal yóokʼol kaaboʼ? (Mateo 24:14).

 U yáax kʼiinil le programaoʼ káaj ocho y media de la noche yéetel xáanchaj dos horas. Lelaʼ beetaʼab tiʼ junpʼéel túumben estudio yaan States Islad, Nueva York. Sukuʼun Ralph Leffler manejartik le sonidooʼ, letiʼeʼ ku kʼaʼajsikeʼ le tiaʼanoʼob teʼ estudiooʼ jach nerviosoʼob tumen maʼ u yojloʼob wa yaan máax kun uʼuyikoʼobiʼ. Sukuʼun Ralpheʼ ku yaʼalik: «Tin tʼabaj le radiooʼ, ka túun káaj le transmisiónoʼ».

 Teʼ áakʼab jeʼeloʼ sukuʼun Victor Schmidt tu beetaj u locutoril yéetel letiʼ xan u directoril. Utiaʼal u káajsik le programaoʼ tu presentartaj jujuntúul j-Xoknáaloʼob tiʼ le Biblia u yojloʼob paax yéetel kʼaay. Yáaxeʼ juntúul sukuʼuneʼ tu paxaj piano, ka tsʼoʼokeʼ Cora Wellmaneʼ tu kʼayaʼ junpʼéel kʼaay ku kʼaabaʼtik «Noventa y nueve ovejas», chʼaʼabaʼan tiʼ u tsikbalil le taman saatal tu yaʼalaj Jesúsoʼ (Lucas 15:4-7). Tsʼoʼoleʼ beetaʼab xan uláakʼ baʼaloʼob, sukuʼun Frederick Franz xaneʼ tu kʼayaj le kʼaay ku kʼaabaʼtik «El penitente», chʼaʼabaʼan tiʼ u tsikbalil le hijo pródigooʼ (Lucas 15:11-25).

 Sukuʼun Joseph Rutherford, le máax nuʼuktik le meyaj ku beetik le j-Xoknáaloʼob tiʼ le Biblia teʼ kʼiinoʼoboʼ tu máansaj junpʼéel discurso utiaʼal u dedicartik u káajal u meyaj le radiooʼ. Lelaʼ yaan u yáantaj utiaʼal «u kʼaʼaytaʼal le Reino ken u nuʼukt Jesúsoʼ». Tu yaʼalaj: «Dioseʼ tsʼoʼok u chaʼik u yantal le radioaʼ, leloʼ u kʼáat u yaʼaleʼ letiʼeʼ u kʼáat ka meyajnaktoʼon utiaʼal k-kaʼansik tiʼ le máakoʼob bix táan u béeytal le profecíaʼoboʼ».

 Tu xaman lakʼinil Estados Unidoseʼ yaʼab máaxoʼob uʼuy le transmisiónoʼ. Juntúul máax kajaʼan tu kaajil Morrisville (Vermont), maas tiʼ 320 kilómetros u náachil tiʼ le estaciónoʼ tu yaʼalaj: «Jach kiʼimak in wóol in waʼalikteʼexeʼ jach maʼalob u yuʼubal le transmisiónoʼ, le baʼax ku yaʼalik Rutherfordoʼ jach claro, jach maʼalob uʼuyaʼabik». Juntúul máak kajaʼan xan Monticelloeʼ (Florida), kex jach náach tuʼux kajaʼaneʼ páajchaj xan u yuʼubik le transmisióno. U jaajileʼ jach maʼalob úuchik u kʼaʼamal le transmisiónoʼ, hasta túuxtaʼab yaʼab cartaʼob tuʼux ku tsʼaʼabal u graciasil.

 Le estación tiʼ radioaʼ xáanchaj 33 años b táan u meyaj utiaʼal u kʼaʼaytaʼal le Reinooʼ, maases tu xaman lakʼinil Estados Unidos. Le radio WBBR, yaan kʼiineʼ ku conectartaʼal tiʼ uláakʼ estaciónoʼob, beyoʼ béeychaj u kaʼansaʼal uláakʼ máakoʼob kajaʼanoʼob Estados Unidos, Canadá yéetel uláakʼ tuʼuxoʼob. Le libro Anuario de los testigos de Jehová tu añoil 1975, tu yaʼalaj: «Tu añoil 1933, jach yaʼab meyaj anchajiʼ tumen meyajnaj 408 estaciónoʼob tiʼ radio utiaʼal u kʼaʼaytaʼal u Reino Dios tiʼ yaʼab luʼumiloʼob. Tsʼoʼoleʼ máansaʼab 23,783 discursoʼob. Kex náach yanil le jejeláas radioʼoboʼ ku páajtal u yuʼubaʼal al mismo tiempo le kaʼansaj ku tsʼáaik le Watch Toweroʼ. Le radiooʼ jach áantajnaj utiaʼal u alabartaʼal Dios».

 Le ka káaj u meyaj le radio WBBR tiʼ le j-Xoknáaloʼob tiʼ le Bibliaoʼ yaan kaʼach 1,064 publicadoroʼob Estados Unidos. Le radiooʼ jach yaʼab bix úuchik u yáantaj, tu añoil 1957, tu chukaj 187,762 publicadoroʼob Estados Unidos, yéetel tiʼ tuláakal yóokʼol kaabeʼ tu chukaj 653,273 publicadoroʼob. Tsʼoʼoleʼ yoʼolal le kaʼansaj ku tsʼaʼabal teʼ reuniónoʼoboʼ le sukuʼunoʼob yéetel le kiikoʼoboʼ tu maas maʼalobkíintaj bix u kʼaʼaytajoʼob joonaj joonajil bey xan uláakʼ bix u yúuchul kʼaʼaytaj.

 Yoʼolal le utsiloʼob tu taasaj le kʼaʼaytaj ku beetaʼal joonaj joonajiloʼ le sukuʼunoʼob nuʼuktik le meyaj ku beetik u kaajal Diosoʼ káaj u tuklikoʼob wa yaan u seguer u meyajtiʼob le radiooʼ wa maʼ. ¿Baʼax túun úuchiʼ? Chʼaʼtuklaʼab u koʼonol le radio WBBR yaan tiʼ le Sociedad Watchtoweroʼ. Koʼon 15 tiʼ abril tiʼ 1957. Junpʼéel kʼiin anteseʼ kʼáataʼab tiʼ le sukuʼun Nathan Knorr baʼaxten chʼaʼtuklaʼab u koʼonol le radiooʼ. Tu yaʼaleʼ le úuchik u yaʼabtal u testigoʼob Jéeobaoʼ maases táan u béeytal yoʼolal le kʼaʼaytaj ku beetaʼal joonaj joonajiloʼ. Tu yaʼalaj xan: «Kex yaʼab máakoʼob tsʼoʼok u yáantaʼaloʼob tumen le radiooʼ, u maas yaʼabil le publicadoroʼoboʼ tu kanoʼob u jaajil yoʼolal le kʼaʼaytaj ku beetaʼal joonaj joonajiloʼ». Bey túunoʼ le sukuʼunoʼoboʼ tu tsʼáajoʼob cuentaeʼ maas yaʼab utsil ku taasik le kʼaʼaytaj joonaj joonajiloʼ. Chéen baʼaleʼ maʼ chéen bey tsʼoʼokik tiʼ le transmisiónoʼoboʼ tumen ka máan kʼiineʼ kaʼa meyajnaji, pero yaanal bixiʼ.

 Tu kʼiinil 6 tiʼ octubre tiʼ 2014, úuch junpʼéel baʼal jach jatsʼuts ichil u kaajal Jéeoba. Káaj u meyaj junpʼéel canal tiʼ televisión ich Internet tu kʼaabaʼtik JW Broadcasting. Cada meseʼ u testigoʼob Jéeobaeʼ jeʼel u páajtal u chaʼantikoʼob u programail JW Broadcasting desde teʼ sitio ich Internetoʼ, tiʼ le aplicación JW Libraryoʼ, tiʼ streaming wa tiʼ junpʼéel canal tiʼ televisión. c Chéen baʼaleʼ tiʼ u kaajal Jéeobaeʼ láayliʼ ku meyaj le radio yéetel le televisiónoʼ. Pero ¿baʼaxten ku beetik?

 Tumen tiʼ yaʼab lugaroʼobeʼ minaʼan Internet, le oʼolal tiʼ u kaajal Jéeobaeʼ ku meyaj le radio yéetel le televisión utiaʼal u transmitirkoʼob le reuniónoʼob ku yantal cada semanaoʼ bey xan le asambleaʼoboʼ. Yoʼolal le transmisiónoʼob ku beetaʼalaʼ yaʼab máakoʼob maʼ Testigoʼobeʼ tsʼoʼok u jóoʼskoʼob u yutsil. Tu añoil 2021 yéetel 2022, u gerenteiloʼob jujunpʼéel estaciónoʼob tiʼ radioeʼ tu yaʼaloʼob tiʼ u sucursalil África orientaleʼ yaʼab máakoʼob maʼ Testigoʼobeʼ jach jatsʼuts u yuʼubikoʼob le reuniónoʼob ku máansaʼaloʼ. Yaʼab máakoʼob kajaʼanoʼob Kenia, Sudán del Sur yéetel Tanzania ku yuʼubikoʼob le reuniónoʼoboʼ tsʼoʼok u kʼáatkoʼob ka tsʼaʼabak xook tiʼob yéetel le Bibliaoʼ.

 Tiʼ tuláakal yóokʼol kaabeʼ u testigoʼob Jéeobaeʼ jach u tsʼaamaj u yóoloʼob predicar, maases ku beetkoʼob joonaj joonajil, ku meyajtiʼob xan le sitio jw.org, bey xan le mejen carritoʼoboʼ. Teʼ sitio yaantoʼon ich Internetoʼ jeʼel u páajtal u xoʼokol le Biblia bey xan uláakʼ publicaciónoʼob ich maas tiʼ 1,080 idiomaʼob, tsʼoʼoleʼ gratis. Jeʼel xan u páajtal u kaxtik máak u núukil le preguntaʼob taak u yojéeltikoʼ bey xan tuʼux yéetel baʼax hora ku beetaʼal reuniónoʼob naatsʼ tiʼ u yotoch. Yoʼolal tuláakal le baʼaxoʼob tsʼoʼok u beetik u testigoʼob Jéeobaoʼ beoraeʼ maas fácil u kaanbal máak yoʼolal u Reino Dios. Jeʼex tu yaʼalil le Bibliaoʼ táan u tsikbaltaʼal «tiʼ tuláakal yóokʼol kaab» le baʼaloʼob maʼalobtak ken u beet le Reinooʼ (Mateo 24:14).