«Yaʼab táankelem paalaloʼobeʼ táan u kʼojaʼantaloʼob (kʼojaʼaniloʼob emociónaloʼob) ikil u sen usarkoʼob le redes socialesoʼ. Leloʼ táan u sen preocupartik máak» (Vivek Murthy, director general tiʼ Salud Pública yaan Estados Unidos, New York Times, 17 tiʼ junio tiʼ 2024).

 Le taatatsiloʼoboʼ, ¿bix jeʼel u kanáantik u paalaloʼob tiʼ le redes socialesoʼ? Ilawil le consejoʼob ku tsʼáaik le Bibliaoʼ.

 Tuukulnen tiʼ le tekstoʼobaʼ.

 «Le máax yaan u naʼatoʼ ku jach ilik tuʼux ku tsʼáaik u yook» (Proverbios 14:15).

 Jach yaʼab bix u afectartik máak le redes socialesoʼ, le oʼolaleʼ jach ilawil wa yaan a chaʼik tiʼ a paalal ka yanak u tiaʼaloʼobiʼ. Antes a chaʼik tiʼ a hijo ka u creart junpʼéel cuentaeʼ ilawil wa jeʼel u controlartik le bukaʼaj tiempo kun meyajtiʼoʼ, máaxoʼob yéetel ken u bisuba yéetel wa jeʼel u kanáantik maʼ u chaʼantik baʼaloʼob kʼaastakeʼ.

•   Utiaʼal a wojéeltik u maasileʼ ilawil le xookoʼobaʼ: «¿Unaj wa in chaʼik tiʼ in paalal u meyajtiʼob le redes socialesoʼ?» yéetel «Kaʼans tiʼ a hijo u usart tubeel le redes socialesoʼ».

 «Ilawil u meyajteʼex tubeel le tiempo yaanteʼexoʼ» (Efesios 5:16).

 Wa yaan a tsʼáaik permiso tiʼ a hijo u usartik redes socialeseʼ teech kan aʼaliktiʼ bix unaj u meyajtiʼ yéetel bukaʼaj tiempo ken u usarte. Tsol xan tiʼeʼ le baʼax ka beetkoʼ chéen utiaʼal a kanáantik. Wa ka wilik xan tsʼoʼok u kʼexpajal bix u portarkubaeʼ ilawil baʼax unaj a beetik, maʼ xaaneʼ unaj a wilik ka xuʼuluk u meyajtiʼ.

•   Ilawil le video Kanáant bix u meyajtech le redes socialesoʼ utiaʼal a wáantik a hijo u yil bix jeʼel u meyajtiʼ tubeeleʼ.

 Le Bibliaoʼ ku yaʼalikeʼ kuxaʼanoʼon tiʼ «yaayaj kʼiinoʼob yéetel istikyaj ken u máansil u kuxtal máak» (2 Timoteo 3:1-5). Pero ku tsʼáaik xan consejoʼob jeʼel u yáantik máak u aktáant le baʼaxoʼob ku yúuchloʼob teʼ kʼiinoʼobaʼ. Leʼ xook Yaʼab paalal maʼ kiʼimak u yóoliʼ, ku taasik maas tiʼ 20 xookoʼob chʼaʼan teʼ Biblia jach jeʼel u yáantik le taatatsiloʼob yéetel le paalaloʼoboʼ.