Tu kʼiinil 27 tiʼ enero tiʼ 2023, yaʼab máakoʼob ken u kʼaʼajsoʼob le Holocausto yanchaj tu kʼiinil le Segunda Guerra Mundialoʼ (Día Internacional en Memoria del Holocausto). Walajki maas tiʼ 75 añosaʼ jach yaʼab máakoʼob kíimsaʼaboʼob, yoʼolal leloʼ maʼ xaaneʼ jeʼel a tuklik baʼaxten Dioseʼ tu chaʼaj u sufrir yaʼab máakoʼob teʼ Holocaustooʼ.

•   Utiaʼal a wojéeltik baʼax ku yaʼalik le Biblia yoʼolal leloʼ ilawil le xook «¿Baʼaxten Dioseʼ tu chaʼaj u kíimsaʼal yaʼab judíoʼob teʼ Holocaustooʼ?».

 Úuchjeakileʼ yaʼab judíoʼob beetaʼab u sen sufriroʼob yéetel kíimsaʼaboʼob teʼ Holocaustooʼ. U millonesil máakoʼobeʼ chéen kíimsaʼaboʼob, ichil xan le máaxoʼob kíimsaʼaboʼoboʼ tiaʼan u testigoʼob Jéeobaiʼ. Letiʼobeʼ jach pʼektaʼaboʼob yéetel beetaʼab u sufriroʼob chéen tumen ku creerkoʼob baʼax ku yaʼalik le Bibliaoʼ.

•   Utiaʼal a wojéeltik u maasileʼ ilawil le xook «¿Qué les ocurrió a los testigos de Jehová durante el Holocausto?».

 Yaʼab máakoʼobeʼ saajkoʼob u kaʼa úuchul junpʼéel baʼal jeʼex le úuch teʼ Holocaustooʼ. Chéen baʼaleʼ le Bibliaoʼ ku yaʼalikeʼ yaan u kʼuchul u kʼiinil u láaj xuʼulsaʼal le baʼaloʼob beyoʼ.

•   «Jéeobaeʼ ku yaʼalik: ‹Teneʼ in wojel baʼax ken in beet ta woʼolaleʼex, maʼ ken in taas kʼaas ta wóokʼoleʼex, baʼaxeʼ yaan in beetik u yantalteʼex jeetsʼelil, utiaʼal ka xiʼikteʼex maʼalobil yéetel utiaʼal ka béeychajak le baʼax ka páaʼtkeʼexoʼ›» (Jeremías 29:11). a

 Maʼ kun xáantaleʼ Jéeobaeʼ yaan u béeykuntik le promesaaʼ, lelaʼ yaan u beetik le kéen u luʼs tuláakal le baʼaxoʼob beetik u muʼyaj máakoʼ. Maʼ kun xáantaleʼ yaan u beetik lelaʼ:

•   Yaan u xuʼulsik tiʼ le kʼasaʼan máakoʼoboʼ (Proverbios 2:22).

•   Yaan u luʼsik baʼaxoʼob beetik u muʼyaj máak (Apocalipsis 21:4).

•   Yaan u kaʼa kuxkíintik le kimenoʼoboʼ (Juan 5:28, 29).

 Techeʼ jeʼel u páajtal a confiar tiʼ le jatsʼuts promesaʼob yaan teʼ Bibliaoʼ. Wa a kʼáat a kan u maasileʼ kʼáat ka tsʼaʼabaktech xook yéetel le Bibliaoʼ, lelaʼ gratis.