Le máaxoʼob ilik ka túuxtaʼak le baʼaloʼob utiaʼal jaantbiloʼ tsʼoʼok u yilkoʼob maʼ suficiente utiaʼal ka túuxtaʼak tiʼ tuláakal yóokʼol kaabiʼ, lelaʼ ku yúuchul yoʼolal le guerra yaan Ucraniaoʼ yéetel tu yoʼolal le clima tsʼoʼok u jach kʼexpajloʼ. Maases bey u yúuchul teʼ tuʼuxoʼob deporsi talam u yantal yéetel u kaxtaʼal baʼal jaantbiloʼ.

•   «Le guerraoʼ, le u kʼexpajal le climaoʼ, u jach koʼojtal le gasolina yéetel uláakʼ baʼaloʼoboʼ, tsʼoʼok u beetkoʼob u talamtal u yantal yéetel u bisaʼal baʼal jaantbil tiʼ tuláakal yóokʼol kaab» (António Guterres, secretario general tiʼ le Naciones Unidasoʼ; 17 tiʼ julio tiʼ 2023).

•   «Le máaxoʼob kaʼanchajaʼan u xookoʼoboʼ ku yaʼalikoʼobeʼ le úuchik u renunciar Rusia tiʼ le acuerdo u beetmaj utiaʼal u túuxtik baʼaloʼob utiaʼal jaantbiloʼ yaan u beetik u jach koʼojtal yaʼab baʼaloʼob. Lelaʼ maases yaan u afectartik le luʼumiloʼob jach óotsiltakoʼoboʼ jeʼex u xamanil África yéetel Oriente Mediooʼ» (Atalayar.com, 23 tiʼ julio tiʼ 2023).

 Ilawil baʼax ku yaʼalik le Biblia yoʼolal le u pʼáatal minaʼan baʼal jaantbiloʼ yéetel yoʼolal baʼax ku taal u kʼiin u yúuchul.

•   Jesúseʼ tu yaʼalaj: «Junpʼéel kaajeʼ yaan u baʼateʼel tu contra uláakʼ kaaj, junpʼéel reinoeʼ yaan u baʼateʼel tu contra uláakʼ reino, yaan u pʼáatal minaʼan baʼal jaantbil» (Mateo 24:7).

•   U libroil Apocalipsiseʼ ku tʼaan tiʼ kantúul tsíiminoʼob yaan baʼax ku chíikbeskoʼob. Juntúul tiʼ le tsíiminoʼoboʼ ku chíikbesik le guerraʼoboʼ. Le uláakʼoʼ ku chíikbesik le wiʼijil kun ilbiloʼ, lelaʼ junpʼéel tiempo tuʼux kun pʼáatal minaʼan baʼal jaantbil yéetel yaan u jach koʼojtal u tojol. Le Bibliaoʼ ku yaʼalik: «Tin wilaj juntúul box tsíimin. Le máax natʼmiloʼ u chʼúuymaj junpʼéel balanza. [...] Tin wuʼuyaj u juum, bey junpʼéel tʼaan táan u yaʼalik: U tojol junwuutsʼ trigoeʼ junpʼéel denario, u tojol óoxwuutsʼ cebadaeʼ junpʼéel denario xan» (Apocalipsis 6:5, 6).

 Le profecíaʼob ku tʼaanoʼob yoʼolal le wiʼijiloʼ jach táan u cumpliroʼob teʼ kʼiinoʼobaʼ, tumen jeʼex u yaʼalik le Bibliaoʼ tiaʼanoʼon teʼ tu «tsʼook kʼiinoʼoboʼ» (2 Timoteo 3:1). Utiaʼal a wojéeltik u maasil yoʼolal u «tsʼook kʼiinoʼob» bey xan yoʼolal le kantúul tsíiminoʼob ku yaʼalik Apocalipsisoʼ chaʼant le video Tu añoil 1914 kʼexpaj yóokʼol kaab ilawil xan le xook «¿Máaxoʼob natʼmil le kantúul tsíiminoʼoboʼ?».

•   Le Bibliaoʼ ku taasik maʼalob consejoʼob jeʼel u yáantkoʼon k-aktáant le problemas ku yantal teʼ kʼiinoʼobaʼ, jeʼex u sen koʼojtal wa u pʼaatal minaʼan baʼal utiaʼal jaantbiloʼ. Utiaʼal a wojéeltik u maasileʼ ilawil le xook «Bix jeʼel a kuxtal chéen yéetel junpʼíit taakʼineʼ».

•   Le Bibliaoʼ ku tsʼáaik toʼon esperanza tumen ku yaʼalikeʼ maʼ kun xáantal ken láaj maʼalobchajak tuláakal baʼal. Ku yaʼalik xaneʼ «yaan u sen tsʼáaik u yich le luʼumoʼ», teʼ kʼiinoʼob jeʼeloʼ mix máak kun pʼáatal minaʼan baʼal u jaante (Salmo 72:16). Utiaʼal a wojéeltik u maasil yoʼolal le jatsʼuts esperanza yéetel baʼaxten jeʼel u páajtal k-confiar tiʼeʼ ilawil le xook «Una esperanza real para un mañana mejor».