Ku tuklaʼaleʼ kex cinco mil millones máakoʼob kun chaʼantik le Juegos Olímpicos teʼ 2024, le máaxoʼob kun competiroʼoboʼ ku taaloʼob tiʼ 206 paísoʼob yéetel territorioʼob. Thomas Bach, u presidenteil le Comité Olímpico Internacionaloʼ tu yaʼalaj: «Le baʼax k-beetkaʼ ku yáantaj utiaʼal ka yanak jeetsʼelil tuláakal yóokʼol kaab». Tu yaʼalaj xan: «Le tuukul yáantoʼon teʼ Juegos Olímpicosaʼ letiʼe ka yanak jeetsʼelil yéetel ka múul meyajnakoʼon kex jejeláas tuʼux k-taaloʼ».

 ¿Jach wa tu jaajil jeʼel u béeytal le baʼax ku tuklaʼalaʼ? ¿Yaan wa u kʼuchul u kʼiinil u yantal jeetsʼelil yéetel u múuchʼ meyaj tuláakal máak?

 Le Juegos Olímpicos teʼ añoaʼ maʼ áantajnak utiaʼal ka yanak jeetsʼeliliʼ. Baʼaxeʼ ikil u competiroʼobeʼ tsʼoʼok u chíikpajleʼ le máakoʼoboʼ u jatsmubaʼob yoʼolal política, raza, religión yéetel ku baʼateltikoʼob ka respetartaʼak u derechoʼob.

 Le Juegos Olímpicosoʼ beetaʼan utiaʼal u náaysik u yóol máak. Chéen baʼaleʼ le competenciasaʼ tu lugar u yáantaj utiaʼal ka yanak jeetsʼelil yéetel ka u yaabiltuba máakeʼ chéen ku beetik u jatskubaʼob.

 Le Bibliaoʼ u yaʼalmiliʼ baʼax modosil ken u yeʼes le máakoʼob teʼ kʼiinoʼobaʼ, le óolal jach ku difíciltal u biskubaʼob (2 Timoteo 3:1-5). Utiaʼal a wojéeltik bix táan u cumplir le profecíaaʼ, ilawil le xook «¿Predijo la Biblia cómo sería la gente en nuestros días?».

 Le Bibliaoʼ ku yaʼalikeʼ yaan u yantal jeetsʼelil tiʼ tuláakal yookol kaab. Ku prometerkeʼ tuláakal máakeʼ yaan u nuʼuktaʼal tumen junpʼéeliliʼ gobierno, ‹u Reino Dios› (Lucas 4:43; Mateo 6:10).

 U Reyil le gobiernoaʼ Jesucristo, letiʼeʼ yaan u taasik jeetsʼelil way Luʼumeʼ. Le Bibliaoʼ ku yaʼalik:

•   «Yaan u yaʼabtal máaxoʼob beetik baʼax maʼalob, [...] le jeetsʼeliloʼ mantatsʼ xan kun antal» (Salmo 72:7).

•   «Yaan u salvartik le óotsil táan u kʼáatik áantajoʼ [...]. Yaan u salvarkoʼob tiʼ le máaxoʼob beetik u muʼyajoʼob yéetel beetik loob tiʼoboʼ» (Salmo 72:12, 14).

 Le baʼaxoʼob tu kaʼansaj Jesúsoʼ tsʼoʼok u yáantik u múul bisuba u millonesil máakoʼob ku taaloʼob tiʼ 239 paísoʼob yéetel territorioʼob. U testigoʼob Jéeoba tiʼ tuláakal yóokʼol kaabeʼ tsʼoʼok u kankoʼob u yeʼesoʼob yaabilaj, le oʼolal yaan jeetsʼelil ichiloʼob. Utiaʼal a wojéeltik baʼax áantkoʼobeʼ, xok le revista Le Máax ku Kananoʼ «Maʼ a chaʼik u seguer le pʼektajiloʼ».