Jesúseʼ u yojel bix u sufrir máak yoʼolal le kʼasaʼaniloʼ bey xan yoʼolal le injusticiaoʼ. Aʼalaʼab baʼaloʼob maʼ jaajtak tu yoʼolaliʼ, jaʼajatsʼaʼabi, maʼ juzgartaʼab tubeeliʼ yéetel tu tsʼookeʼ kíimsaʼabi. Kex mix baʼal kʼaas u beetmeʼ Jesúseʼ tu tsʼáaj «u kuxtal bey junpʼéel boʼol utiaʼal u salvartaʼal yaʼab máakoʼobeʼ» (Mateo 20:28; Juan 15:13). Maʼ kun xáantaleʼ kéen káajak u gobernareʼ yaan u kaʼa eʼesik jach u yaabiltmoʼon tumen yaan u xuʼulsik tiʼ le kʼasaʼaniloʼ yéetel yaan u taasik justicia way Luʼumeʼ (Isaías 42:3).

 Ilawil baʼax ku yaʼalik le Biblia yoʼolal le baʼax ken u beet Jesúsoʼ:

•   «Maʼ kun antal kʼasaʼan máakoʼob. Kéen paakatnakech tuʼux suuk u yantaloʼob kaʼachoʼ maʼ ken a wiloʼobiʼ. Pero le utsul máakoʼoboʼ yaan u pʼáatloʼob way luʼumeʼ, jach yaan u kiʼimaktal u yóoloʼob tumen mix baʼal kun beetik u chiʼichnaktaloʼob» (Salmo 37:10, 11).

 ¿Bix jeʼel k-eʼesik k-agradecertik le baʼax tu beetaj Jesúsoʼ, bey xan le baʼax ken u beet t-oʼolal maʼ kun xáantaloʼ? Tiʼ Lucas 22:19, Jesúseʼ tu yaʼalaj tiʼ u discípuloʼob ka u kʼaʼajsoʼob le kʼiin úuchik u kíimiloʼ. Le oʼolaleʼ cada añoeʼ u testigoʼob Jéeobaeʼ ku muchʼkubaʼob utiaʼal u kʼaʼajsikoʼob le úuchik u kíimil Cristooʼ. K-invitarkech ka a láakʼintoʼon teʼ Kʼaʼajsajil úuchik u kíimil Cristooʼ, lelaʼ yaan u beetaʼal domingo 24 tiʼ marzo tiʼ 2024.

Tuʼux jeʼel a bin teʼ Kʼaʼajsajiloʼ