Tu mesil julio tiʼ 2022, tu sen beetaj ooxol tiʼ tuláakal yóokʼol kaab, lelaʼ junpʼéel baʼal mix juntéen ilaʼak kaʼachi.

•   «Chinaeʼ ku avisartik óoliʼ 70 noj kaajoʼob de ke yaan u kaʼa beetik sen ooxol teʼ mesaʼ» (25 tiʼ julio tiʼ 2022, servicio de noticias de la CNN).

•   «Yoʼolal le sen ooxol ku beetkoʼ táan u yelel le kʼáaxoʼob tu luʼumil Europaoʼ» (17 tiʼ julio tiʼ 2022, The Guardian).

•   «Teʼ domingoaʼ tu sen beetaj ooxol tiʼ yaʼab kaajoʼob tu luʼumil Estados Unidos» (24 tiʼ julio tiʼ 2022, The New York Times).

 Le baʼax ku yúuchlaʼ, ¿táan wa u yeʼesik yaan u pʼáatal maʼ kun béeytal u kajtal wíinik way Luʼumeʼ? ¿Baʼax ku yaʼalik le Biblia yoʼolal leloʼ?

 Jaaj, u yaʼalmiliʼ. Le sen ooxoloʼ táakaʼan ichil le baʼaloʼob kun ilbil teʼ kʼiinoʼobaʼ. Jesúseʼ tu yaʼalaj yaan k-ilik «baʼaloʼob ken u beet u sen jaʼakʼal u yóol máak, yéetel yaan u yilaʼal nukuch señaloʼob ku taaloʼob teʼ kaʼanoʼ» (Lucas 21:11). Yaʼab máakoʼobeʼ jach saajkoʼob ikil u yilkoʼob cada kʼiineʼ táan u maas sen ooxoltal yéetel saajkoʼob ka maas kʼaskúuntaʼak le Luʼum tumen wíinikoʼ.

 Maʼ. Tumen le ka tu beetaj Dios le Luʼumaʼ tu beetaj utiaʼal ka kajlak wíinik utiaʼal mantatsʼiʼ (Salmo 115:16; Eclesiastés 1:4). Dioseʼ maʼ ken u chaʼa tiʼ wíinik ka u jach kʼaskúunt le Luʼumaʼ. Baʼaxeʼ u prometermaj yaan u kʼuchul u kʼiinil u «xuʼulsik tiʼ le máaxoʼob táan u kʼaskúuntikoʼob le luʼumoʼ» (Apocalipsis 11:18).

 Koʼoneʼex ilik uláakʼ kaʼapʼéel baʼal ken u beet Dios way Luʼumeʼ:

•   «Le desierto yéetel le luʼum jach tikinoʼ yaan u jach kiʼimaktal u yóoloʼob, le táax luʼum tuʼux mix baʼal yanoʼ yaan xan u kiʼimaktal u yóol yéetel yaan u loolankil jeʼex u loolankil le azafránoʼ» (Isaías 35:1). Dioseʼ maʼ ken u chaʼa ka pʼáatak le Luʼum junpʼéel desiertooʼ, baʼaxeʼ yaan u yutskíintik tuláakal tuʼux kʼaskúuntaʼan.

•   «Ka kanáantik le luʼumoʼ, ka beetik u pʼáatal jach maʼalob utiaʼal u sen tsʼáaik u yich» (Salmo 65:9). Dioseʼ yaan u sutik paraísoil le Luʼumaʼ.

 Le u sen kʼexpajal le climaoʼ ku cumplirtik jujunpʼéel profecíaʼob yanoʼob teʼ Bibliaoʼ. Wa a kʼáat a wojéelt u maasileʼ ilawil baʼax ku yaʼalik le xook ich español «¿Qué dice la Biblia sobre el cambio climático y nuestro futuro?».

 Utiaʼal a wojéeltik u maasil yoʼolal u promesa Dios tiʼ bix ken u yutskíintil le climaoʼ ilawil le xook «¿Máax kun utskíintik le Luʼumaʼ?».